भद्रावतीत शिवसेनेच्या वतीने भव्य श्रीकृष्ण जन्माष्टमी उत्सव व रुग्णवाहिका अनावरण सोहळा; सेलिब्रिटी कलाकारांची असणार खास उपस्थिती.

भद्रावतीत शिवसेनेच्या वतीने भव्य श्रीकृष्ण जन्माष्टमी उत्सव व रुग्णवाहिका अनावरण सोहळा;

सेलिब्रिटी कलाकारांची असणार खास उपस्थिती.

​भद्रावती (विशेष प्रतिनिधी):

शिवसेना वरोरा-भद्रावती विधानसभा क्षेत्राच्या वतीने दरवर्षीप्रमाणे या वर्षीही श्रीकृष्ण जन्माष्टमी (दहीहंडी) उत्सव व रुग्णवाहिका अनावरण सोहळ्याचे भव्य आयोजन करण्यात आले आहे. हा दोन दिवसीय उत्सव शनिवार, ०५ सप्टेंबर आणि रविवार, ०६ सप्टेंबर २०२६ रोजी नेताजी सुभाषचंद्र बोस मैदान, हनुमान नगर, भद्रावती येथे पार पडणार आहे.

​दोन दिवसीय कार्यक्रमांची रूपरेषा:

• ​शनिवार, ०५ सप्टेंबर २०२६:
  • ​वेळ: सकाळी १०:०० ते रात्री १०:००
  • ​रांगोळी स्पर्धा: सकाळी १०:०० ते दुपारी १:००
  • ​वेशभूषा व संवाद स्पर्धा: सायंकाळी ६:०० ते रात्री १०:००
  • ​विशेष आकर्षण: 'तुला पाहते रे' फेम अभिनेत्री गायत्री दातार आणि 'धर्मवीर' चित्रपटात एकनाथ शिंदे यांची भूमिका साकारणारे अभिनेता क्षितीज दाते यांची प्रमुख उपस्थिती राहणार आहे.
• ​रविवार, ०६ सप्टेंबर २०२६:
  • ​वेळ: सायंकाळी ५:०० ते रात्री १०:००
  • ​प्रमुख उपक्रम: भव्य दहीहंडी उत्सव, रुग्णवाहिका अनावरण सोहळा आणि सांस्कृतिक कार्यक्रम.
  • ​प्रमुख उपस्थिती: राज्यमंत्री तथा पूर्व विदर्भ संपर्क मंत्री ॲड. आशिषजी जयस्वाल यांची विशेष उपस्थिती लाभणार आहे.
  • 

​भव्य आयोजनात शिवसैनिकांचा पुढाकार:

या कार्यक्रमाचे आयोजन एकनाथ शिंदे गटाचे , शिवसेना लोकसभा संघटक (चंद्रपूर-वणी-आर्णी क्षेत्र) मुकेश मनोज जिवतोडे, भद्रावती नगर परिषदेचे नगराध्यक्ष प्रफुल रा. चटकी, उपाध्यक्ष सुधीरभाऊ सातपुते, सभापती रेखाताई खुटमाटे, शोभाताई पारखी, राहुल सोनटक्के यांच्यासह विविध नगरसेवक, समस्त पदाधिकारी व शिवसैनिकांच्या वतीने करण्यात आले आहे.

​या सर्व विविध गुणदर्शन स्पर्धा, सांस्कृतिक कार्यक्रम आणि दहीहंडी उत्सवाचा लाभ घेण्यासाठी नागरिकांनी मोठ्या संख्येने उपस्थित राहावे, असे आवाहन आयोजकांकडून करण्यात आले आहे.

..........