वरोऱ्यात कारची दुचाकीला धडक; दोघे जखमी

वरोऱ्यात कारची दुचाकीला धडक; दोघे जखमी

वरोरा | दि. 10 सप्टेंबर 2026 :  कारने पल्सर मोटारसायकलला समोरून धडक दिल्याने दुचाकीवरील दोन युवक जखमी झाले. या प्रकरणी वरोरा पोलीस ठाण्यात कारचालकाविरुद्ध गुन्हा दाखल करण्यात आला आहे.

पोलिसांनी दिलेल्या माहितीनुसार, आकाश बंडू रनदई (वय 28, रा. मित्रांगण बिल्डिंग, आनंदवन, ता. वरोरा) हा फोटोग्राफर असून त्याच्याकडे MH-34-CH-8834 क्रमांकाची पल्सर मोटारसायकल आहे. दि. 10 सप्टेंबर रोजी दुपारी सुमारे 2 वाजताच्या सुमारास आकाश हा मोहित चूधरी याच्यासोबत दुचाकीवरून जात असताना   मागून येणाऱ्या MH-34-BV-5813 क्रमांकाच्या पांढऱ्या रंगाच्या किया सेल्टॉस कारने दुचाकीला धडक दिली.

या अपघातात आकाश व मोहित यांच्या डोक्याला दुखापत झाली. दोघांना उपचारासाठी सरकारी रुग्णालयात दाखल करण्यात आले असून प्राथमिक उपचारानंतर पुढील उपचारासाठी त्यांना चंद्रपूर येथील शासकीय रुग्णालयात पाठविण्यात आले होते. मात्र तिथे उपचार होऊ शकले नाही. नंतर खाजगी दवाखान्यात नेण्यात आले. आकाश रणदई यांच्या  मित्रांनी व शेजारील मित्र परिवाराने  आर्थिक मदत लगेच केल्याने उपचार वेळेत करण्यात आले. आकाश यांची प्रकृती गंभीर असून चंद्रपूर खाजगी दवाखान्यात उपचार सुरू आहे.

याप्रकरणी आकाशची आई माया बंडू रनदई (वय 47) यांनी वरोरा पोलीस ठाण्यात तक्रार दाखल केली. त्यांच्या तोंडी रिपोर्ट व वैद्यकीय अहवालाच्या आधारे पोलिसांनी भा.न्या.सं. कलम 281,१२५(अ),१२५(ब) अन्वये गुन्हा दाखल करून तपास सुरू केला आहे.