वरोऱ्यात विद्यार्थिनी बेपत्ता; अज्ञात इसमाने फूस लावून पळविल्याचा संशय

वरोऱ्यात विद्यार्थिनी बेपत्ता; अज्ञात इसमाने फूस लावून पळविल्याचा संशय

वरोरा, दि. ३ सप्टेंबर : वरोरा तालुक्यातील एका खेड्यामध्ये येथील १५ वर्षीय अल्पवयीन विद्यार्थिनी घरातून वरोरा येथे फोटो काढण्यासाठी गेल्यानंतर बेपत्ता झाल्याची घटना समोर आली आहे. मुलीच्या आईने अज्ञात इसमाने फूस लावून मुलीला पळवून नेल्याचा संशय व्यक्त करत वरोरा पोलीस ठाण्यात तक्रार दाखल केली आहे.

रानगावातील राहणारे आईने दिलेल्या तक्रारीवरून वरोरा पोलीस ठाण्यात तक्रार दाखल केली आहे, त्यांची मुलगी  ही वरोरा येथे  इयत्ता १० वीमध्ये शिक्षण घेत आहे.

दि. १ सप्टेंबर २०२६ रोजी सकाळी सुमारे ७.३० वाजताच्या सुमारास मुलीने आईला आपण आज शाळेत न जाता वरोरा येथे फोटो काढण्यासाठी जाणार असल्याचे सांगितले. त्यानंतर तिचे आई-वडील शेतमजुरीच्या कामासाठी बाहेर गेले.

सायंकाळी सुमारे ५ वाजता आई-वडील घरी परतल्यानंतर मुलगी घरी नसल्याचे त्यांच्या निदर्शनास आले. याबाबत मोठा मुलगा  याच्याकडे विचारपूस केली असता, मुलगी दुपारी सुमारे १२ वाजता गावातील बसस्टॉपवर शाळेतील मुलींसोबत दिसल्याचे त्याने सांगितले.

कुटुंबीयांनी मुलीच्या मोबाईलवर संपर्क साधण्याचा प्रयत्न केला असता तिचा फोन बंद असल्याचे आढळून आले. गावात तसेच नातेवाईकांकडे शोध घेऊनही तिचा पत्ता लागला नाही.

यानंतर मुलीच्या आईने वरोरा पोलीस ठाण्यात धाव घेऊन तक्रार दाखल केली. अज्ञात इसमाने फूस लावून आपल्या अल्पवयीन मुलीला पळवून नेल्याचा संशय तक्रारीत व्यक्त करण्यात आला आहे.

या प्रकरणी वरोरा पोलिसांनी तक्रार नोंदवून बेपत्ता अल्पवयीन मुलीचा शोध सुरू केला आहे.

...................