भद्रावतीत भाजप महिला आघाडीतर्फे रक्षाबंधन सोहळा उत्साहात संपन्न :

भद्रावतीत भाजप  महिला आघाडीतर्फे रक्षाबंधन सोहळा उत्साहात संपन्न :

भद्रावती प्रतिनिधी.३/सप्टेंबर/२०२६

भारतीय जनता पार्टी भद्रावती तथा भारतीय जनता पार्टी महिला आघाडी, भद्रावती यांच्या वतीने आयोजित करण्यात आलेला रक्षाबंधन सोहळा अत्यंत उत्साहपूर्ण आणि आपुलकीच्या वातावरणात संपन्न झाला. यावेळी जिल्ह्यातील वरिष्ठ भाजप नेते व  पदाधिकाऱ्यांनी उपस्थिती दर्शवली.

या सोहळ्यात बहिणींनी प्रेमाने राखी बांधून बहीण-भावाच्या अतूट नात्याचा, विश्वासाचा आणि स्नेहाचा सुंदर संदेश दिला. रक्षाबंधन हा केवळ एक सण नसून प्रेम, आपुलकी, संरक्षण आणि परस्पर विश्वासाचे नाते अधिक दृढ करणारा उत्सव असल्याची भावना यावेळी व्यक्त करण्यात आली.

या प्रसंगी महिला भगिनींसह नागरिकांनी उत्स्फूर्त सहभाग नोंदविल्याने सोहळ्याला विशेष उत्साह प्राप्त झाला. सामाजिक एकोपा, बंधुभाव आणि आपुलकीची भावना जपत हा सुंदर कार्यक्रम आनंदात पार पडला.

मायेचा धागा, प्रेमाचा विश्वास आणि नात्यांमधील आपुलकी सदैव अशीच कायम राहो, असा संदेश यानिमित्ताने देण्यात आला.

या कार्यक्रमासाठी भाजपाचे नेते माजी केंद्रीय गृहराज्य मंत्री, माजी खासदार हंसराज अहिर, वरोरा भद्रावती विधानसभेचे आमदार करण देवतळे, चंद्रपूर जिल्हा मध्यवर्ती सहकारी बँकेचे अध्यक्ष रवींद्र शिंदे, माजी नगराध्यक्ष अनिल धानोरकर यांच्यासह भाजपाचे पदाधिकारी व कार्यकर्ते व शहरातील महिला भगिनी मोठ्या संख्येने उपस्थित होते.

..............