वरोऱ्यात झोपला मारोती देवस्थानतर्फे भव्य तान्हा पोळा उत्सवाचे आयोजन.

वरोऱ्यात झोपला मारोती देवस्थानतर्फे भव्य तान्हा पोळा उत्सवाचे आयोजन.

वरोरा :  मारोती देवस्थान कमिटी, दत्त मंदिर वार्ड, वरोरा यांच्या वतीने दरवर्षीप्रमाणे यंदाही बालगोपाळांसाठी भव्य तान्हा पोळा उत्सवाचे आयोजन करण्यात आले आहे.

हा उत्सव दि. ११ सप्टेंबर २०२६ रोजी सायंकाळी ६ वाजेपासून झोपला मारोती देवस्थान, विवेकानंद शाळेमागे, वरोरा येथे उत्साहात पार पडणार आहे.

पोळा हा शेतकऱ्यांचा आणि बैलांप्रती कृतज्ञता व्यक्त करणारा पारंपरिक सण आहे. भारतीय संस्कृतीतील ही समृद्ध परंपरा लहान मुलांपर्यंत पोहोचावी व बालगोपाळांमध्ये आपल्या संस्कृतीबद्दल प्रेम व जिव्हाळा निर्माण व्हावा, या उद्देशाने दरवर्षी तान्हा पोळा उत्सवाचे आयोजन करण्यात येते. या उत्सवामध्ये लहान बालगोपाळ आपापल्या आकर्षक सजविलेल्या लाकडी नंदीबैलांसह सहभागी होणार आहेत.

उत्सवात सहभागी होणाऱ्या बालगोपाळांसाठी विशेष आकर्षण म्हणून लकी ड्रॉच्या माध्यमातून १२ आकर्षक बक्षिसे देण्यात येणार आहेत. तसेच प्रत्येक नंदी घेऊन येणाऱ्या बालगोपाळाला टिफिन बॉक्स भेट म्हणून प्रदान करण्यात येणार आहे.

स्पर्धेसाठी सहभागी बालगोपाळांची नोंदणी सायंकाळी ४ ते ६ वाजेपर्यंत करण्यात येणार आहे. ३१२ नोंदणी पूर्ण होताच कार्यक्रमाला सुरुवात करण्यात येईल, अशी माहिती आयोजकांनी दिली आहे.

तरी वरोरा शहरातील सर्व बालगोपाळांनी व पालकांनी या पारंपरिक आणि सांस्कृतिक उत्सवात मोठ्या संख्येने सहभागी होऊन कार्यक्रमाची शोभा वाढवावी, असे आवाहन बांधकाम सभापती, नगर परिषद वरोरा तथा शिवसेना चंद्रपूर जिल्हा संघटक मनीष मुरली जेठानी यांनी केले आहे.