बसस्थानकात जुगारावर पोलिसांचा छापा; तिघे ताब्यात, चौघे फरार.

बसस्थानकात जुगारावर पोलिसांचा छापा; तिघे ताब्यात, चौघे फरार.

शेगाव, दि. 10 सप्टेंबर 2026 : 

मोवाडा गावातील बसस्थानक परिसरात पत्त्यांवर पैशांची बाजी लावून जुगार खेळणाऱ्यांवर शेगाव पोलिसांनी छापा टाकला. या कारवाईत तिघांना ताब्यात घेण्यात आले असून, काही जण अंधाराचा फायदा घेत फरार झाले.

दि. 9 सप्टेंबर रोजी रात्री 8 वाजता ते दि. 10 सप्टेंबर रोजी सकाळी 8 वाजेपर्यंत सफौ प्रशांत गायकवाड व पोशी प्रशांत गिरडकर हे रात्रपाळी कर्तव्यावर होते. गस्तीवर असताना मोवाडा बसस्थानकात काही इसम 52 पत्त्यांवर पैशांची बाजी लावून जुगार खेळत असल्याची खात्रीशीर माहिती मिळाली.

माहितीच्या आधारे पोलिसांनी पंचांसह रात्री सुमारे 3.10 वाजता मोवाडा बसस्थानकावर छापा टाकला. यावेळी काही जण अंधाराचा फायदा घेऊन फरार झाले, तर श्रीकांत पंढरी वाकडे, विलास पांडुरंग दडमल आणि समीर धनराज बाटबरवे, तिघेही रा. मोवाडा, हे जुगार खेळताना मिळून आले.

पोलिसांनी घटनास्थळावरील डावावरील रक्कम तसेच आरोपींच्या अंगझडतीत मिळालेली रोख रक्कम जप्त केली. कारवाईत एकूण ३ हजार ५२० रुपयांचा मुद्देमाल जप्त करण्यात आला. यामध्ये आरोपींकडून अनुक्रमे २ हजार, ५०० व ६०० रुपये रोख तसेच डावावरील रोख रक्कम आणि ५२ पत्त्यांचा समावेश आहे.

या प्रकरणी महाराष्ट्र जुगार प्रतिबंधक कायदा कलम 12(अ) अन्वये गुन्हा नोंद करण्यात आला असून, फरार आरोपींचा शोध सुरू आहे.