घोडपेठ येथे बैलपोळा उत्साहात साजरा; उत्कृष्ट बैलजोडी मालकांचा बक्षिसांनी गौरव.

घोडपेठ येथे बैलपोळा उत्साहात साजरा; उत्कृष्ट बैलजोडी मालकांचा बक्षिसांनी गौरव.

१०/९/२०२६ -प्रतिनिधी

घोडपेठ : भारतीय जनता पक्ष महाराष्ट्र राज्य युवा मोर्चाचे उपाध्यक्ष रघुवीर अहिर यांच्या वतीने मागील १० ते १२ वर्षांपासून घोडपेठ येथे बैलपोळा उत्सवाचे आयोजन करण्यात येत आहे. यंदाही पारंपरिक उत्साहात बैलपोळा साजरा करण्यात आला.

यावेळी रघुवीर अहिर यांनी कार्यक्रमाला उपस्थित राहून परिसरातील शेतकरी बांधवांना बैलपोळ्याच्या शुभेच्छा दिल्या. शेतकऱ्यांच्या जीवनात बैलांचे असलेले महत्त्व अधोरेखित करत पारंपरिक पद्धतीने बैलपोळा उत्सव साजरा करण्यात आला.

उत्कृष्ट पद्धतीने बैलजोडी सजविणाऱ्या बैलजोडी मालकांचा मान्यवरांच्या हस्ते बक्षिसे देऊन गौरव करण्यात आला. त्यामुळे शेतकरी बांधवांमध्ये उत्साहाचे वातावरण पाहायला मिळाले.

कार्यक्रमाला माजी खासदार हंसराजजी भैय्या अहिर, जिल्हा सहकारी बँकेचे अध्यक्ष रवींद्र शिंदे, हरिभैया अहिर, रघुवीर अहिर, माजी नगराध्यक्ष अनिलभाऊ धानोरकर, प्रकाश देवतळे, अनिल फुलझले, किशोर गोवारदिपे यांच्यासह परिसरातील शेतकरी बांधव व नागरिक मोठ्या संख्येने उपस्थित होते.

बैलपोळ्यानिमित्त शेतकरी बांधवांच्या जीवनात सुख, समृद्धी आणि भरभराट नांदो, अशा शुभेच्छा यावेळी व्यक्त करण्यात आल्या.