भरधाव ट्रॅव्हल्सची बसला धडक; ५० हजारांचे नुकसान

भरधाव ट्रॅव्हल्सची बसला धडक; ५० हजारांचे नुकसान

वरोरा : चंद्रपूर-नागपूर मार्गावर मौजा खांबाडा येथील इंडियन ऑईल पेट्रोल पंपाजवळ भरधाव ट्रॅव्हल्सने बसला मागून धडक दिल्याची घटना ७ ऑगस्ट २०२६ रोजी दुपारी २.२० वाजताच्या सुमारास घडली. या अपघातात बसचे सुमारे ५० हजार रुपयांचे नुकसान झाले असून काही प्रवाशांना किरकोळ दुखापत झाली.

 तक्रारदार गिरीधर भाऊजी रेवतकर (वय ५४) हे वर्धमान नगर बस डेपो, नागपूर येथे बसचालक म्हणून कार्यरत आहेत. ते ७ ऑगस्ट रोजी सकाळी ९ वाजता बस क्रमांक MH-40-AQ-6191 घेऊन नागपूरहून चंद्रपूरकडे गेले होते. परतीच्या प्रवासात खांबाळा येथील इंडियन ऑईल पेट्रोलपंपाजवळ ते बसचा वेग कमी करून मार्गक्रमण करीत असताना मागून येणाऱ्या MH-40-AT-0481 क्रमांकाच्या ट्रॅव्हल्सने बसला धडक दिली.

या धडकेत बसच्या मागील भागातील बफर, पत्रा, गेट व मागील काच यांचे नुकसान झाले. नुकसानाची अंदाजे किंमत ५० हजार रुपये असल्याचे तक्रारीत नमूद आहे. अपघातात काही प्रवाशांना किरकोळ दुखापत झाल्याचेही FIR मध्ये नमूद करण्यात आले आहे.

या प्रकरणी वरोरा पोलीस ठाण्यात FIR क्र. 0876/2026 नुसार भारतीय न्याय संहिता (BNS) कलम 125(a), 281 व 324(4) अन्वये गुन्हा दाखल करण्यात आला आहे. ७ ऑगस्ट २०२६ रोजी सायंकाळी ६.२४ वाजता FIR नोंदविण्यात आली.

प्रकरणाचा तपास पोलीस उपनिरीक्षक गणेश काशीनाथ मोरे यांच्याकडे सोपविण्यात आला आहे.