तालुकास्तरीय बुद्धिबळ स्पर्धेत संस्कार भारती पब्लिक स्कूलचे घवघवीत यश; सहा खेळाडूंची जिल्हास्तरावर निवड.

तालुकास्तरीय बुद्धिबळ स्पर्धेत संस्कार भारती पब्लिक स्कूलचे घवघवीत यश; सहा खेळाडूंची जिल्हास्तरावर निवड.

वरोरा | प्रतिनिधी

क्रीडा व युवक सेवा संचालनालय, महाराष्ट्र राज्य यांच्या संयुक्त विद्यमाने आयोजित शालेय तालुकास्तरीय बुद्धिबळ स्पर्धेत संस्कार भारती पब्लिक स्कूल, वरोरा येथील विद्यार्थ्यांनी उल्लेखनीय कामगिरी करत विद्यालयाच्या शिरपेचात मानाचा तुरा खोवला.

बुद्धिमत्ता, एकाग्रता आणि डावपेचांचा कस पाहणाऱ्या या स्पर्धेत संस्कार भारती पब्लिक स्कूलच्या सहा खेळाडूंनी चमकदार कामगिरी केली. या कामगिरीच्या जोरावर श्रीहन राऊत, परिधी बोढे, सिद्धी मुथा, प्रज्वल मेश्राम, सम्यक मुथा आणि साहिल पवार यांची जिल्हास्तरीय बुद्धिबळ स्पर्धेसाठी निवड झाली आहे.

विद्यार्थ्यांच्या या यशाबद्दल शाळा व्यवस्थापन, प्राचार्या, शिक्षकवृंद तसेच शिक्षकेत्तर कर्मचाऱ्यांनी सर्व यशस्वी खेळाडूंचे अभिनंदन केले. जिल्हास्तरीय स्पर्धेतही अशीच दमदार कामगिरी करून शाळेचे नाव उज्ज्वल करावे, यासाठी विद्यार्थ्यांना शुभेच्छा देण्यात आल्या.