वरोऱ्यात २४ ऑगस्टला महाकाल कावड यात्रेचे आयोजनडॉ. आंबेडकर चौकातून होणार यात्रेला प्रारंभ; भटाळा येथे महादेवाचा जलाभिषेक.

वरोऱ्यात २४ ऑगस्टला महाकाल कावड यात्रेचे आयोजन

डॉ. आंबेडकर चौकातून होणार यात्रेला प्रारंभ; भटाळा येथे महादेवाचा जलाभिषेक

वरोरा | प्रतिनिधी

दिनांक : २० ऑगस्ट २०२६

श्रावण महिन्याच्या पावन पर्वानिमित्त जागृती फाउंडेशन प्रणीत महाकाल कावड यात्रा समितीच्या वतीने यंदाही महाकाल कावड यात्रेचे आयोजन करण्यात आले आहे. सोमवार, २४ ऑगस्ट २०२६ रोजी दुसऱ्या श्रावणी सोमवारी ही कावड यात्रा काढण्यात येणार असून, चंद्रपूर जिल्ह्यातील भाविकांसाठी ही धार्मिक आणि भक्तिमय यात्रा आकर्षणाचे केंद्र ठरणार आहे.

गतवर्षी चंद्रपूर जिल्ह्यातून पहिल्यांदाच महाकाल कावड यात्रेचे आयोजन करण्यात आले होते. त्याला भाविकांचा उत्स्फूर्त प्रतिसाद मिळाल्यानंतर यंदाही ही परंपरा पुढे सुरू ठेवण्यात आली आहे.

डॉ. आंबेडकर चौकातून यात्रेला प्रारंभ

सोमवार, २४ ऑगस्ट रोजी सकाळी ९ वाजता डॉ. आंबेडकर चौक येथे विधिवत पूजा-अर्चना करून महाकाल कावड यात्रेला सुरुवात होणार आहे. त्यानंतर पायदळ कावड यात्रा डॉ. आंबेडकर चौक, सपाटे चौक, शहीद स्मारक चौक, रत्नमाला चौक, आनंदवन चौक, चिमूर रोडमार्गे खैरगाव, परसोडा, रानतळोधी, खतोडा, सालोरी असा प्रवास करीत भटाळा येथील शिवमंदिरात पोहोचणार आहे.

पवित्र नद्यांच्या जलाने होणार जलाभिषेक

भटाळा येथील शिवमंदिरात पोहोचल्यानंतर गंगा, नर्मदा, शिप्रा, गोदावरी आदी पवित्र नद्यांचे जल घेऊन भगवान महादेवाच्या शिवलिंगावर जलाभिषेक करण्यात येणार आहे. भटाळा येथील मंदिरातील शिवलिंग विदर्भातील मोठ्या शिवलिंगांपैकी एक असल्याने या यात्रेला विशेष धार्मिक महत्त्व प्राप्त झाले आहे.

..........