जुन्या वादातून दोघांकडून मजूर व मुलावर काठी-बॅटने हल्ला; वरोरा पोलिसांत गुन्हा दाखल

जुन्या वादातून दोघांकडून मजूर व मुलावर काठी-बॅटने हल्ला; वरोरा पोलिसांत गुन्हा दाखल

वरोरा, दि. ३० जुलै : वरोरा पोलीस ठाण्याच्या हद्दीतील माढेळी येथे जुन्या वादातून एका मजूर व त्याच्या मुलावर काठी व क्रिकेट बॅटने मारहाण करून जीवे मारण्याची धमकी दिल्याप्रकरणी वरोरा पोलिसांनी दोन जणांविरुद्ध गुन्हा दाखल केला आहे. हा प्रकार बुधवार, २९ जुलै २०२६ रोजी सायंकाळी ७.३० ते ८.०० वाजताच्या दरम्यान घडला असून त्याच दिवशी रात्री १०.३५ वाजता एफआयआर नोंदविण्यात आला. 

तक्रारदार दादाजी बालाजी बोढे (वय ५९, रा. माढेळी, ता. वरोरा) यांनी दिलेल्या फिर्यादीनुसार, गावातील जुन्या वादाच्या कारणावरून आरोपी श्रीकांत श्यामराव बोढे व किशोर श्यामराव बोढे यांनी त्यांच्याशी वाद घालत काठी व बॅटने मारहाण केली. भांडण सोडविण्यासाठी आलेल्या तक्रारदाराच्या मुलालाही मारहाण करण्यात आली. या घटनेत दोघांनाही दुखापत झाली असून आरोपींनी जीवे मारण्याची धमकी दिल्याचे फिर्यादीत नमूद आहे. 

या प्रकरणी वरोरा पोलिसांनी आरोपींविरुद्ध भारतीय न्याय संहिता (BNS) २०२३ चे कलम ११८(१), ३(५), ३५१(२) व ३५२ अन्वये गुन्हा दाखल केला आहे. पुढील तपास सहाय्यक पोलीस उपनिरीक्षक संजय भाऊराव गौरकर करीत आहेत.

........

.             नगरपालिकेतर्फे जमिनीचे पट्टेवाटप