"अतिक्रमणामुळे नाल्याचा प्रवाह अडला; थोड्याशा पावसानेही वरोरा शहरात पाणी शिरण्याचा धोका"

​अतिक्रमणामुळे नाल्याचा प्रवाह अडवला; थोड्या पावसानेही शहरात पाणी शिरण्याचा धोका!

लेआउट धारकाने नैसर्गिक प्रवाह अडवल्याने पूरस्थितीचा धोका.

खासदार प्रतिभाताई धानोरकर यांचे भिंत काढण्याचे तातडीचे आदेश.

​स्थानिक प्रतिनिधी: वरोरा 

वरोरा ​शहरातील माढेळी नाका मुख्य नाल्यांच्या प्रवाहात अडथळा निर्माण झाल्यामुळे थोड्याशा पावसानेही नागरी वस्त्यांमध्ये पाणी शिरून नागरिकांचे अतोनात हाल झाले आहेत. या समस्येची गंभीर दखल घेत खासदार प्रतिभाताई धानोरकर  आणि प्रशासकीय अधिकाऱ्यांनी नुकतीच पाणी साचणाऱ्या प्रमुख भागांची प्रत्यक्ष पाहणी केली.

​शहरातून प्रामुख्याने संस्कार भारती शाळे समोरील कोराडी नाला आणि कासम पंजाब नाला हे दोन मोठे नाले वाहतात. प्रभाग क्रमांक १ कडून येणारे पाणी (मालवी वार्ड, खानजी वार्ड, शुभम नगर, कासम पंजा परिसर आणि आलिशान नगर) या मुख्य नाल्यांमधून बाहेर पडते.

​मात्र, मांढेळी रोड परिसरातील एका प्रायव्हेट ले-आऊट धारकाने (DSK कंपनीच्या ले-आऊटजवळ) भिंत बांधून शहराच्या मुख्य नाल्याचा प्रवाह अडवल्याचा आरोप केला जात आहे. नाल्याला मार्ग उपलब्ध नसल्याने पाण्याचा निचरा होत नाही आणि पाणी माघारी फिरून (उलटं पाणी) शहरात व नागरी वस्त्यांमध्ये साचत आहे.

​या समस्येचे कायमस्वरूपी निवारण करण्यासाठी खासदार प्रतिभाताई धानोरकर , नगराध्यक्ष अर्चना ठाकरे, उपविभागीय अधिकारी (SDM) आणि तहसीलदार यांनी संयुक्तपणे घटनास्थळी भेट देऊन पाहणी केली:

यावेळी अडवलेला पाण्याचा प्रवाह तातडीने मोकळा करण्याचे निर्देश खासदारांनी दिले आहेत.

तसेच वर्धा नदीपर्यंत पाणी सुलभतेने जावे यासाठी दोन्ही मुख्य नाल्यांचे पक्के बांधकाम करणे .

 तांत्रिक पाहणी करून नाल्याचे काम लवकरात लवकर सुरू व्हावे, यासाठी संबंधित सर्व वरिष्ठ अधिकाऱ्यांना सोबत घेऊन उपाययोजना करण्याचे सांगण्यात आले.

.............