संशयास्पदरीत्या फिरणाऱ्या दोघांविरुद्ध वरोरा पोलिसांची कारवाई; महाराष्ट्र पोलीस अधिनियम कलम 122 अंतर्गत गुन्हा दाखल.

संशयास्पदरीत्या फिरणाऱ्या दोघांविरुद्ध वरोरा पोलिसांची कारवाई; महाराष्ट्र पोलीस अधिनियम कलम 122 अंतर्गत गुन्हा दाखल.

वरोरा | दि. ६ ऑगस्ट २०२६

वरोरा शहरातील रत्नमाला चौक परिसरात मध्यरात्री संशयास्पद हालचाली करताना आढळलेल्या दोघांविरुद्ध वरोरा पोलिसांनी महाराष्ट्र पोलीस अधिनियम, १९५१ च्या कलम १२२ अंतर्गत गुन्हा दाखल केला आहे. हा गुन्हा वरोरा पोलीस ठाण्यात एफआयआर क्रमांक ०८६९ म्हणून नोंदविण्यात आला. 

पोलिसांनी दिलेल्या माहितीनुसार, दि. ५ ऑगस्टच्या रात्री ते ६ ऑगस्टच्या सकाळपर्यंत सुरू असलेल्या रात्रगस्ती दरम्यान पोलीस हवालदार संदीप विठ्ठल मुळे व त्यांच्या पथकाला पहाटे सुमारे २.३९ वाजता रत्नमाला चौक येथील बसस्टॉपजवळ दोन इसम संशयास्पदरीत्या लपून बसलेले दिसले. दोघेही इसम वरोरा येथील असून चौकशीसाठी पोलीस स्टेशनमध्ये नेण्यात आले.

चौकशीदरम्यान दोघेही समाधानकारक उत्तर देऊ शकले नाहीत. त्यांच्या हालचाली संशयास्पद वाटल्याने पंचांच्या उपस्थितीत घटनास्थळी पंचनामा करण्यात आला. रात्रीच्या अंधाराचा फायदा घेऊन  हस्तक्षेपी गुन्हा करण्याच्या उद्देशाने ते परिसरात वावरत असल्याचा संशय पोलिसांना आल्याने दोघांना ताब्यात घेण्यात आले. त्यानंतर त्यांच्याविरुद्ध महाराष्ट्र पोलीस अधिनियम, १९५१ च्या कलम १२२ अन्वये गुन्हा नोंद करण्यात आला. 

या प्रकरणाचा पुढील तपास पोलीस उपनिरीक्षक अशोक महादेव ढोके करीत आहेत. 

..................