येंसा येथे ३ हजारांचा देशी दारूसाठा जप्त; ६१ वर्षीय महिलेविरुद्ध गुन्हा दाखल

येंसा येथे ३ हजारांचा देशी दारूसाठा जप्त; ६१ वर्षीय महिलेविरुद्ध गुन्हा दाखल

वरोरा | दि. ११ जुलै २०२६

वरोरा पोलीस ठाण्याच्या हद्दीतील मौजा येंसा येथे अवैधरित्या देशी दारूची विक्री सुरू असल्याची गुप्त माहिती मिळाल्यानंतर पोलिसांनी टाकलेल्या धाडीत ३ हजार रुपयांचा देशी दारूसाठा जप्त केला. या प्रकरणी तुळसाबाई किसन गोडके (वय ६१, रा. येंसा, ता. वरोरा) यांच्याविरुद्ध महाराष्ट्र दारूबंदी अधिनियम, १९४९ च्या कलम ६५(ई) अन्वये वरोरा पोलीस ठाण्यात गुन्हा दाखल करण्यात आला.

पोलीस हवालदार प्रशांत मधुकर नागोसे यांना मिळालेल्या गोपनीय माहितीच्या आधारे १० जुलै रोजी दुपारी येंसा गावात छापा टाकण्यात आला. 

पंचांसमक्ष करण्यात आलेल्या झडतीदरम्यान आरोपीच्या घरातील एका प्लास्टिकच्या पिशवीत ९० मिलीचे ७५ देशी दारूचे पाउच आढळून आले. जप्त करण्यात आलेल्या मुद्देमालाची किंमत ३ हजार रुपये असल्याचे पोलिसांनी नमूद केले आहे.

दारू विक्रीसाठी आवश्यक परवाना मागितला असता आरोपीकडे कोणताही वैध परवाना नसल्याचे निष्पन्न झाले. त्यानंतर मुद्देमाल जप्त करून पंचनामा करण्यात आला व आरोपीविरुद्ध कायदेशीर कारवाई करण्यात आली. 

ही देशी दारू कोणत्या दुकानातून विकत घेतली आहे. की डुप्लिकेट दारू आहे या प्रकरणाचा पुढील तपास वरोरा पोलीस ठाण्याचे अधिकारी करीत आहेत.