भरधाव अज्ञात वाहनाची धडक; अनोळखी इसमाचा जागीच मृत्यूचिनोरा येथे मध्यरात्रीची घटना; अज्ञात वाहनचालकाविरुद्ध गुन्हा दाखल

भरधाव अज्ञात वाहनाची धडक; अनोळखी इसमाचा जागीच मृत्यू

चिनोरा येथे मध्यरात्रीची घटना; अज्ञात वाहनचालकाविरुद्ध गुन्हा दाखल

वरोरा | दि. १० जुलै २०२६

चंद्रपूर-नागपूर राष्ट्रीय महामार्गावरील चिनोरा येथील व्यंकटेश हॉटेलसमोर भरधाव अज्ञात वाहनाने धडक दिल्याने एका अनोळखी इसमाचा जागीच मृत्यू झाल्याची दुर्दैवी घटना शुक्रवारी पहाटे घडली. या प्रकरणी वरोरा पोलीस ठाण्यात अज्ञात वाहनचालकाविरुद्ध गुन्हा दाखल करण्यात आला असून पोलिसांनी तपास सुरू केला आहे.

मिळालेल्या माहितीनुसार, जीएमआर कंपनीमध्ये कार्यरत असलेले प्रतीक महादेव बोदे हे रात्री गस्तीवर असताना पहाटे सुमारे १.२९ वाजताच्या सुमारास व्यंकटेश हॉटेलसमोर रस्त्यावर एक अनोळखी इसम रक्ताच्या थारोळ्यात पडलेला असल्याचे त्यांच्या निदर्शनास आले. त्यांनी तत्काळ डायल ११२ वर संपर्क साधून पोलिसांना माहिती दिली. घटनास्थळी पोलीस दाखल झाल्यानंतर संबंधित व्यक्तीच्या डोक्याला, गालाला व पायाला गंभीर दुखापत झालेली आढळून आली. प्राथमिक तपासात अज्ञात वाहनाच्या धडकेमुळे त्याचा जागीच मृत्यू झाल्याचे स्पष्ट झाले.

या प्रकरणी मोटार वाहन अधिनियम, १९८८ चे कलम १८४ तसेच भारतीय न्याय संहिता (BNS), २०२३ चे कलम १०६ व २८१ अन्वये अज्ञात वाहनचालकाविरुद्ध गुन्हा नोंदविण्यात आला आहे. पुढील तपास पोलीस हवालदार दिशांत ऋषी काळे करीत आहेत.

......