आमदार करण देवतळे यांचा वाढदिवस सेवाभावी उपक्रमांनी उत्साहात साजरा; ८४ किलो लाडू तुला, रक्तदान शिबिर व दिव्यांगांना सायकल वाटप.

आमदार करण देवतळे यांचा वाढदिवस सेवाभावी उपक्रमांनी उत्साहात साजरा; ८४ किलो लाडू तुला, रक्तदान शिबिर व दिव्यांगांना सायकल वाटप.

वरोरा | दि. ८ जुलै २०२६

वरोऱ्याचे लोकप्रिय युवा आमदार मा. श्री. करण देवतळे यांचा वाढदिवस बुधवारी (दि. ८ जुलै) शहरात विविध सामाजिक आणि सेवाभावी उपक्रमांच्या माध्यमातून मोठ्या उत्साहात साजरा करण्यात आला. वाढदिवसानिमित्त आयोजित करण्यात आलेल्या कार्यक्रमांना नागरिक, कार्यकर्ते आणि पदाधिकाऱ्यांचा उत्स्फूर्त प्रतिसाद लाभला.

आमदार करणदादा देवतळे मित्र परिवारातर्फे डॉ. बाबासाहेब आंबेडकर चौक येथे आमदार देवतळे यांच्या दीर्घायुष्याच्या शुभेच्छांसह त्यांच्या कार्याचा गौरव करण्यासाठी ८४ किलो वजनाच्या भव्य ‘लाडू तुले’चे आयोजन करण्यात आले. 

या आगळ्यावेगळ्या उपक्रमानंतर उपस्थित नागरिक, महिला, युवक आणि कार्यकर्त्यांमध्ये मोठ्या प्रमाणावर लाडूंचे वाटप करण्यात आले. त्यामुळे परिसरात उत्साहाचे वातावरण निर्माण झाले.

वाढदिवसानिमित्त सामाजिक बांधिलकी जपत भारतीय जनता पक्षाचे आमदार करण देवतळे यांच्या नवीन जनसंपर्क कार्यालयात (एलआयसी कार्यालयाजवळ, मोहबाळा रोड, वरोरा) सकाळी ११ वाजता भव्य रक्तदान शिबिराचे आयोजन करण्यात आले. या शिबिरासाठी नागपूर येथील डॉ. हेडगेवार ब्लड सेंटरचे विशेष सहकार्य लाभले. समाजाप्रती असलेली जबाबदारी लक्षात घेऊन ३६ रक्तदात्यांनी स्वेच्छेने रक्तदान करून या उपक्रमात सहभाग नोंदविला.

याचबरोबर वाढदिवसानिमित्त दिव्यांग बांधवांसाठी सायकल वाटप कार्यक्रमाचेही आयोजन करण्यात आले. गरजू दिव्यांगांना सायकलींचे वितरण करून त्यांच्या दैनंदिन जीवनात मदत करण्याचा प्रयत्न करण्यात आला. या सेवाभावी उपक्रमाचे उपस्थितांनी स्वागत केले.

या सर्व कार्यक्रमांना आमदार करण देवतळे यांच्या पत्नींसह भारतीय जनता पक्षाचे पदाधिकारी, कार्यकर्ते, नागरिक आणि मित्र परिवारातील सदस्य मोठ्या संख्येने उपस्थित होते.

या कार्यक्रमाचे आयोजन ‘आमदार करणदादा देवतळे मित्र परिवार’तर्फे करण्यात आले होते. यामध्ये सतीश निर्बान, ऋषभ निर्बान, लव निर्बान, अजिंक्य नरडे, सौरभ गोल्हार, खुश निर्बान, ओम वरभे, हर्षद बोडणे, आनंद मोरे, सुधीर डोंगे, सुरज लोणकर, अनिकेत मित्तलवार, निपुण मेहता, बाला चांभारे, प्रफुल नरडे यांच्यासह मित्र परिवारातील अनेक सदस्यांनी उत्साहाने सहभाग घेत कार्यक्रम यशस्वी केला.