भरधाव स्कॉर्पिओची बैलगाडीला धडक; मजूर गंभीर जखमी, अज्ञात चालकाविरुद्ध गुन्हा.

भरधाव स्कॉर्पिओची बैलगाडीला धडक; मजूर गंभीर जखमी, अज्ञात चालकाविरुद्ध गुन्हा.

भद्रावती :

भद्रावती तालुक्यातील बराज तांडा परिसरात भरधाव वेगाने आलेल्या पांढऱ्या रंगाच्या स्कॉर्पिओ वाहनाने बैलगाडीला जोरदार धडक दिल्याने बैलगाडीवरील मजूर गंभीर जखमी झाला असून दोन्ही बैलही जखमी झाले आहेत. या प्रकरणी भद्रावती पोलीस ठाण्यात अज्ञात वाहनचालकाविरुद्ध गुन्हा दाखल करण्यात आला आहे. 

पोलिसांनी दिलेल्या माहितीनुसार, 23 जुलै रोजी सकाळी साडेआठच्या सुमारास संजय तालाजी परचाके हे सहकारी मजूर लवकुश सूर्यभान कोमताळे यांच्यासह बैलगाडीने शेताकडे जात असताना बराज तांडा गावाजवळ मागून भरधाव आलेल्या पांढऱ्या स्कॉर्पिओने बैलगाडीला धडक दिली. या अपघातात बैलगाडी पलटून संजय परचाके यांच्या डोक्याला, हाताला व पायाला गंभीर दुखापत झाली, तर बैलगाडीला जुंपलेले दोन्ही बैल जखमी झाले. अपघातानंतर वाहनचालक घटनास्थळावरून फरार झाला.

जखमी संजय परचाके यांना तातडीने ग्रामीण रुग्णालय, भद्रावती येथे उपचारासाठी दाखल करण्यात आले असून त्यांची प्रकृती स्थिर असल्याचे सांगण्यात आले आहे.

या प्रकरणी भद्रावती पोलीस ठाण्यात मोटार वाहन अधिनियम तसेच भारतीय न्याय संहिता (BNS) अंतर्गत विविध कलमांनुसार अज्ञात चालकाविरुद्ध गुन्हा दाखल करण्यात आला असून पुढील तपास पोलीस हवालदार कपिल अशोक भोयर करीत आहेत.