वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला.लोकमान्य शाळेजवळून हिरो स्प्लेंडर लंपासअज्ञात चोराविरुद्ध गुन्हा दाखल; पोलिसांकडून तपास सुरू.

Posted by on
वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला. लोकमान्य शाळेजवळून हिरो स्प्लेंडर लंपास अज्ञात चोराविरुद्ध गुन्हा दाखल; पोलिसांकडून तपास सुरू वरोरा : शहरात दुचाकी चोरीच्या घटना वाढत असून आणखी एका मोटारसायकल चोरीची नोंद वरोरा पोलीस ठाण्यात झाली आहे. या प्रकरणी साहील वासुदेव ढवस (रा. मुक्ता, ता. मारेगाव, जि. यवतमाळ) यांनी दिलेल्या तक्रारीवरून अज्ञात चोरट्याविरुद्ध गुन्हा दाखल करण्यात आला आहे. तक्रारीनुसार, फिर्यादीने त्यांची काळ्या रंगाची हिरो स्प्लेंडर (क्र. MH-29 BM-7107) ही मोटारसायकल 11 जुलैच्या रात्री लोकमान्य शाळेजवळील मित्राच्या रूमसमोर उभी केली होती. 12 जुलै रोजी सकाळी सुमारे 8 वाजता गाडीच्या ठिकाणी गेल्यानंतर ती चोरीला गेल्याचे निदर्शनास आले. परिसरात शोध घेऊनही मोटारसायकल मिळून न आल्याने पोलिसांत तक्रार देण्यात आली. चोरीस गेलेल्या दुचाकीची अंदाजे किंमत 20 हजार रुपये असल्याचे फिर्यादीने नमूद केले आहे. या प्रकरणी वरोरा पोलीस ठाण्यात भारतीय न्याय संहिता (BNS), 2023 च्या कलम 303(2) अंतर्गत अज्ञात आरोपीविरुद्ध गुन्हा दाखल करण्यात आला असून पुढील...
0

रस्त्याच्या मध्यभागी ट्रॅव्हल्स वाहन बेवारस उभे; चालकाविरुद्ध गुन्हा दाखल

Posted by on
रस्त्याच्या मध्यभागी ट्रॅव्हल्स वाहन बेवारस उभे; चालकाविरुद्ध गुन्हा दाखल

वरोरा | प्रतिनिधी
वरोरा शहरातील रत्नमाला चौक परिसरात रस्त्याच्या मध्यभागी कोणतेही इशारा चिन्ह किंवा रिफ्लेक्टर न लावता ट्रॅव्हल्स वाहन उभे करून ते बेवारस सोडल्याप्रकरणी वाहन चालकाविरुद्ध भारतीय न्याय संहिता (BNS) कलम 285 अन्वये गुन्हा दाखल करण्यात आला आहे.
पोलीसांनी दिलेल्या माहितीनुसार, पोलीस स्टेशन वरोरा येथील सफौ विजय चिकनकर (ब.नं. 1806) हे 10 जुलै 2026 रोजी सकाळी 11 वाजता रत्नमाला चौक येथे फिक्स पॉइंट ड्युटीवर कार्यरत होते. यावेळी एमएच-34-सीक्यू-8008 क्रमांकाचे प्रवासी ट्रॅव्हल्स वाहन रस्त्याच्या मध्यभागी कोणतेही इंडिकेटर, रिफ्लेक्टर किंवा इतर इशारा देणारे चिन्ह न लावता उभे असल्याचे त्यांच्या निदर्शनास आले.
या प्रकारामुळे गंभीर अपघात होऊन जीवित व वित्तहानी होण्याची शक्यता लक्षात घेऊन पोलिसांनी वाहन रस्त्याच्या बाजूला केले. त्यानंतर वाहन चालकाचा शोध घेतला असता काही वेळाने राजेश तुळशीदास वरघने (वय 40, व्यवसाय – चालक, रा. चंद्रपूर, मुल रोड) हा वाहनाजवळ आला. त्याच्याकडे वाहन अशा प्रकारे उभे करून सोडून जाण्याबाबत विचारणा केली असता त्याने कोणतेही समाधानकारक उत्तर दिले नाही.
या निष्काळजी कृत्यामुळे सार्वजनिक सुरक्षेला धोका निर्माण झाल्याने राजेश तुळशीदास वरघने याच्याविरुद्ध भारतीय न्याय संहिता (BNS) कलम 285 अन्वये वरोरा पोलीस ठाण्यात गुन्हा नोंद करण्यात आला असून पुढील तपास पोलीस करीत आहेत.

Comments

Post a Comment