यात्रा वार्ड परिसरात मिलन राजधानी सट्टापट्टीवर पोलिसांची धाड; एकावर गुन्हा.

यात्रा वार्ड परिसरात मिलन राजधानी सट्टापट्टीवर पोलिसांची धाड; एकावर गुन्हा.

वरोरा : वरोरा पोलिसांनी शहरातील यात्रा वॉर्ड परिसरात सुरू असलेल्या मिलन राजधानी सट्टापट्टीच्या जुगारावर धाड टाकून एका आरोपीविरुद्ध कारवाई केली. या प्रकरणी रवी एकरे यांच्या विरुद्ध  महाराष्ट्र जुगार प्रतिबंधक कायदा कलम 12(अ) अन्वये गुन्हा दाखल करण्यात आला आहे.

पोलिसांनी दिलेल्या माहितीनुसार, 30 जून 2026 रोजी पोलीस हवालदार संदीप विठ्ठल मुळे हे पोलीस कर्मचारी मनोज ठाकरे यांच्यासह जुगारविरोधी पेट्रोलिंग करत असताना मुखबिरामार्फत माहिती मिळाली की, यात्रा वॉर्ड येथील बाजारातील शिव मंदिरासमोर  नागरिकांकडून पैसे स्वीकारून मिलन राजधानी सट्टापट्टीचा हारजितचा जुगार चालवत आहे अशी माहिती मिळाली होती.

माहितीची खातरजमा करून पंचांना सोबत घेऊन पोलिसांनी घटनास्थळी धाड टाकली. त्यावेळी आरोपी प्रत्यक्ष सट्टापट्टीचा जुगार खेळविताना आढळून आला. झडतीदरम्यान त्याच्याकडून सट्ट्याचे आकडे लिहिलेली चिठ्ठी, एक निळ्या रंगाचे बॉलपेन आणि 1,470 रुपये रोख, असा एकूण 1,475 रुपयांचा मुद्देमाल जप्त करण्यात आला.

घटनास्थळी पंचनामा करून आरोपीला ताब्यात घेण्यात आले. याप्रकरणी वरोरा पोलीस ठाण्यात महाराष्ट्र जुगार प्रतिबंधक कायदा कलम 12(अ) अंतर्गत गुन्हा नोंद करण्यात आला असून पुढील तपास वरोरा पोलीस करीत आहेत.

................