वरोरा बसस्थानक पार्किंगमधून डिओ दुचाकी चोरी; अज्ञात चोराविरुद्ध गुन्हा दाखल.

वरोरा बसस्थानक पार्किंगमधून डिओ दुचाकी चोरी; अज्ञात चोराविरुद्ध गुन्हा दाखल

वरोरा : शहरातील बसस्थानक परिसरातून पार्किंगमध्ये उभी असलेली डिओ कंपनीची दुचाकी अज्ञात चोरट्याने लंपास केल्याची घटना समोर आली आहे. या प्रकरणी वरोरा पोलीस ठाण्यात अज्ञात आरोपीविरुद्ध गुन्हा दाखल करण्यात आला असून पोलिसांनी तपास सुरू केला आहे.

पोलीसांनी दिलेल्या माहितीनुसार, अयान बशीर शेख (वय 26, रा. इंद्रप्रस्थ नगर, वरोरा) यांनी तक्रार दिली आहे. त्यांच्या भावाच्या नावावर असलेली भगव्या रंगाची होंडा डिओ दुचाकी (क्र. MH-34-BK-7261) ही ते घरगुती कामासाठी वापरत होते.

दि. 12 जुलै 2026 रोजी सकाळी सुमारे 9 वाजता अयान शेख हे खासगी कामानिमित्त वरोरा बसस्थानकात गेले होते. त्यांनी आपली दुचाकी बसस्थानकाच्या पार्किंगमध्ये उभी करून कामासाठी आत गेले. काही वेळाने परत आल्यानंतर त्यांनी दुचाकी पार्क केलेल्या ठिकाणी पाहिली असता ती तेथून गायब असल्याचे निदर्शनास आले.

यानंतर त्यांनी परिसरात दुचाकीचा शोध घेतला; मात्र ती मिळून आली नाही. चोरीस गेलेल्या दुचाकीची अंदाजे किंमत 20 हजार रुपये असल्याचे तक्रारीत नमूद करण्यात आले आहे.

या प्रकरणी अज्ञात चोरट्याविरुद्ध वरोरा पोलीस ठाण्यात गुन्हा दाखल करण्यात आला असून, सीसीटीव्ही फुटेज व अन्य पुराव्यांच्या आधारे आरोपीचा शोध सुरू असल्याची माहिती पोलिसांनी दिली.