शेतकऱ्यांच्या फार्मर आयडीतील चुकीच्या मॅपिंगचा प्रश्न मंत्रालयात पोहोचला.आमदार करण देवतळे यांनी महसूल मंत्री चंद्रशेखर बावनकुळे यांना दिले निवेदन.

शेतकऱ्यांच्या फार्मर आयडीतील चुकीच्या मॅपिंगचा प्रश्न मंत्रालयात पोहोचला.

आमदार करण देवतळे यांनी महसूल मंत्री चंद्रशेखर बावनकुळे यांना दिले निवेदन.

  वरोरा : वरोरा तालुक्यातील मौजा टाकळी (वि.), साजा मांगली येथील शेतकऱ्यांच्या फार्मर आयडीमध्ये झालेल्या चुकीच्या मॅपिंगमुळे निर्माण झालेल्या समस्येबाबत वरोरा-भद्रावती विधानसभा मतदारसंघाचे आमदार करण देवतळे यांनी बुधवारी मंत्रालय, मुंबई येथे महाराष्ट्र राज्याचे महसूल मंत्री मा. ना. श्री. चंद्रशेखरजी बावनकुळे यांची सदिच्छा भेट घेऊन निवेदन सादर केले.

निवेदनामध्ये फार्मर आयडीतील त्रुटींमुळे संबंधित शेतकऱ्यांना विविध शासकीय योजनांचा लाभ घेण्यात अडचणी निर्माण होत असल्याचे निदर्शनास आणून देण्यात आले. संबंधित शेतकऱ्यांची माहिती योग्य साज्यामध्ये अद्ययावत करून चुकीचे मॅपिंग तातडीने दुरुस्त करण्यात यावे, अशी मागणी यावेळी करण्यात आली.

या प्रश्नाची गांभीर्याने दखल घेऊन शासनाने सकारात्मक निर्णय घ्यावा तसेच शेतकऱ्यांना लवकरात लवकर दिलासा मिळावा, अशी अपेक्षाही आमदार करण देवतळे यांनी व्यक्त केली. शेतकऱ्यांच्या हिताच्या या महत्त्वाच्या प्रश्नावर लवकरच योग्य कार्यवाही होईल, असा विश्वासही यावेळी व्यक्त करण्यात आला.