वनविभागाच्या संरक्षण कुंपणावरील दोन लोखंडी गेट चोरीला; वरोरा पोलिसांत गुन्हा दाखल.

वनविभागाच्या संरक्षण कुंपणावरील दोन लोखंडी गेट चोरीला; वरोरा पोलिसांत गुन्हा दाखल

वरोरा | दि. 24 जुलै 2026|चेतन लूतडे 

वरोरा तालुक्यातील केळी गावाजवळील जंगल परिसरात वनविभागाच्या संरक्षण कुंपणावरील दोन लोखंडी गेट अज्ञात चोरट्यांनी चोरून नेल्याची घटना उघडकीस आली आहे. याप्रकरणी वरोरा पोलीस ठाण्यात अज्ञात आरोपीविरुद्ध गुन्हा दाखल करण्यात आला आहे.

तक्रारदार कुमारी कल्पना शंभू पेंडोर (वय 40) या वनविभागात वनरक्षक म्हणून कार्यरत असून, त्यांच्या तक्रारीनुसार केळी गावाजवळील सर्वे क्रमांक 171 मधील 'कॅम्पा' योजनेअंतर्गत उभारण्यात आलेल्या चेनलिंक फेन्सिंगच्या प्रवेशद्वारावरील दोन लोखंडी गेट अज्ञात व्यक्तींनी चोरून नेले. या चोरीमुळे वनविभागाचे सुमारे 22 हजार 680 रुपयांचे नुकसान झाले आहे.

या प्रकरणी वरोरा पोलीस ठाण्यात भारतीय न्याय संहिता (BNS) 2023 च्या कलम 303(2) अन्वये गुन्हा क्रमांक 0826/2026 दाखल करण्यात आला असून, अज्ञात आरोपीचा शोध सुरू आहे. पुढील तपास पोलीस करीत आहेत.