बसस्थानक मार्गावरील डेकोरेटिव्ह पोल पुन्हा कोसळला; निकृष्ट दर्जाच्या कामाबाबत नागरिकांत संताप.

बसस्थानक मार्गावरील डेकोरेटिव्ह पोल पुन्हा कोसळला; निकृष्ट दर्जाच्या कामाबाबत नागरिकांत संताप.

वरोरा | प्रतिनिधी

वरोरा शहरातील बसस्थानक मार्गावर सुयोग ट्रेडिंग इलेक्ट्रिकल कॉन्ट्रॅक्टर यांनी उभारलेला आणखी एक डेकोरेटिव्ह पोल पावसामुळे कोसळल्याची घटना समोर आली आहे. यामुळे संबंधित कामाच्या दर्जाबाबत नागरिकांनी तीव्र नाराजी व्यक्त केली आहे.

सततच्या पावसात पोल जमिनीवर कोसळल्याने नागरिकांच्या सुरक्षिततेचा प्रश्न ऐरणीवर आला आहे. सुदैवाने या घटनेत कोणतीही जीवितहानी झाली नाही. मात्र, अशा प्रकारे पोल कोसळल्याने कामाच्या गुणवत्तेवर प्रश्नचिन्ह उपस्थित केले जात आहे. यासाठी पालिकेतर्फे मोठे कॉन्ट्रॅक्ट देण्यात आले होते. जुने लाईट असून सुद्धा नवीन डेकोरेटिव्ह पद्धतीने लाईट शहरात लावण्यात आले होते. मात्र लाईट रात्री लागण्या ऐवजी ते खाली कोसळून पडत आहे.

स्थानिक नागरिकांच्या मते, सार्वजनिक निधीतून करण्यात आलेल्या कामांची दर्जेदार अंमलबजावणी होणे अपेक्षित असताना, निकृष्ट दर्जाच्या कामामुळे अशा घटना घडत आहेत. संबंधित विभागाने या प्रकरणाची तातडीने चौकशी करून दोषींवर कारवाई करावी, तसेच बसविण्यात आलेल्या सर्व डेकोरेटिव्ह पोलची तांत्रिक तपासणी करावी, अशी मागणी नागरिकांकडून करण्यात येत आहे.