वरोऱ्यात किरकोळ वादातून चुलत काकाचा पुतण्यावर चाकूने जीवघेणा हल्ला; खुनाच्या प्रयत्नाचा गुन्हा दाखल

वरोऱ्यात किरकोळ वादातून चुलत काकाचा पुतण्यावर चाकूने जीवघेणा हल्ला; खुनाच्या प्रयत्नाचा गुन्हा दाखल

वरोरा : प्रतिनिधी

वरोरा शहरातील यात्रा वॉर्ड परिसरात किरकोळ वादातून चुलत काकाने पुतण्यावर चाकूने जीवघेणा हल्ला केल्याची धक्कादायक घटना १६ जुलैच्या रात्री घडली. या हल्ल्यात तरुण गंभीर जखमी झाला असून त्याच्यावर उपजिल्हा रुग्णालय, वरोरा येथे उपचार सुरू आहेत. या प्रकरणी वरोरा पोलिसांनी आरोपीविरुद्ध खुनाच्या प्रयत्नाचा गुन्हा दाखल करण्याची प्रक्रिया सुरू केली आहे.

जखमी प्रभू नागेश चिंतलवार (वय २८, रा. वडार मोहल्ला, यात्रा वॉर्ड, वरोरा) यांनी दिलेल्या जबाबानुसार, ते भंगार गोळा करण्याचे काम करतात. गुरुवारी रात्री सुमारे १० वाजताच्या सुमारास घराबाहेर मित्रांसोबत गप्पा मारत असताना त्यांचे चुलते पोचमल्लू मधुकर दांडेकर तेथे आले. त्यावेळी झालेल्या शाब्दिक वादानंतर आरोपीने स्वतःला "वडार मोहल्ल्याचा डॉन" म्हणत पँटच्या खिशातून लोखंडी चाकू काढला.

यानंतर आरोपीने "आज तुला मारून टाकतो, तुझे तुकडे करून स्मशानात टाकतो," अशी धमकी देत प्रभू चिंतलवार यांच्या पोटावर सपासप वार केले. जखमी अवस्थेत जीव वाचवण्यासाठी ते पळू लागले असता आरोपीने पाठलाग करून त्यांच्या पाठीवरही चाकूने वार केला.

घटनेनंतर परिसरातील नागरिकांनी धाडस करून आरोपीला पकडले. गंभीर जखमी झालेल्या प्रभू चिंतलवार यांना उपचारासाठी उपजिल्हा रुग्णालयात दाखल करण्यात आले.

जखमीच्या तक्रारीवरून आरोपी पोचमल्लू मधुकर दांडेकर याच्याविरुद्ध जीवघेणा हल्ला व खुनाच्या प्रयत्नासंदर्भातील संबंधित कलमांनुसार गुन्हा दाखल करण्याची प्रक्रिया वरोरा पोलीस ठाण्यात सुरू असून, पुढील तपास पोउपनि अजिंक्य पवार करीत आहेत.

........

.     पोलिसांनी दुचाकी चोरणार्या टोळीस पकडले.

.   आमदार करण देवताळे यांची बँकेस सदिच्छा भेट.

.    माजी मुख्याध्यापकाची ऑनलाईन फसवणूक 

................