वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला.लोकमान्य शाळेजवळून हिरो स्प्लेंडर लंपासअज्ञात चोराविरुद्ध गुन्हा दाखल; पोलिसांकडून तपास सुरू.

Posted by on
वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला. लोकमान्य शाळेजवळून हिरो स्प्लेंडर लंपास अज्ञात चोराविरुद्ध गुन्हा दाखल; पोलिसांकडून तपास सुरू वरोरा : शहरात दुचाकी चोरीच्या घटना वाढत असून आणखी एका मोटारसायकल चोरीची नोंद वरोरा पोलीस ठाण्यात झाली आहे. या प्रकरणी साहील वासुदेव ढवस (रा. मुक्ता, ता. मारेगाव, जि. यवतमाळ) यांनी दिलेल्या तक्रारीवरून अज्ञात चोरट्याविरुद्ध गुन्हा दाखल करण्यात आला आहे. तक्रारीनुसार, फिर्यादीने त्यांची काळ्या रंगाची हिरो स्प्लेंडर (क्र. MH-29 BM-7107) ही मोटारसायकल 11 जुलैच्या रात्री लोकमान्य शाळेजवळील मित्राच्या रूमसमोर उभी केली होती. 12 जुलै रोजी सकाळी सुमारे 8 वाजता गाडीच्या ठिकाणी गेल्यानंतर ती चोरीला गेल्याचे निदर्शनास आले. परिसरात शोध घेऊनही मोटारसायकल मिळून न आल्याने पोलिसांत तक्रार देण्यात आली. चोरीस गेलेल्या दुचाकीची अंदाजे किंमत 20 हजार रुपये असल्याचे फिर्यादीने नमूद केले आहे. या प्रकरणी वरोरा पोलीस ठाण्यात भारतीय न्याय संहिता (BNS), 2023 च्या कलम 303(2) अंतर्गत अज्ञात आरोपीविरुद्ध गुन्हा दाखल करण्यात आला असून पुढील...
0

वरोऱ्यात अवैध रेती वाहतुकीवर पोलिसांची मोठी कारवाई; ३०.८० लाखांचा हायवा व रेती जप्त

Posted by on
वरोऱ्यात अवैध रेती वाहतुकीवर पोलिसांची मोठी कारवाई; ३०.८० लाखांचा हायवा व रेती जप्त

हायवा चालक व मालकाविरुद्ध गुन्हा दाखल; वर्धा नदी रेती घाटावरून परवानगीशिवाय रेती वाहतूक सुरू असल्याची माहिती.

वरोरा : वरोरा पोलिसांनी अवैध रेती वाहतुकीविरोधात मोठी कारवाई करत सुमारे ३० लाख ८० हजार रुपयांचा हायवा ट्रक व ८ ब्रास रेती जप्त केली आहे. या प्रकरणी हायवा चालक व वाहन मालकाविरुद्ध गुन्हा दाखल करण्यात आला आहे. 
पोलिसांना मिळालेल्या गोपनीय माहितीनुसार, वर्धा नदी रेती घाटावरून मोहबाळा रोड मार्गे परवानगीशिवाय रेतीची वाहतूक होत असल्याची माहिती मिळाली. त्यानुसार पोलिसांनी पंचांसमक्ष सापळा रचून एमएच-३४ बीजी-८०१० क्रमांकाचा हायवा अडवून तपासणी केली. तपासणीदरम्यान ट्रकमध्ये सुमारे ८ ब्रास रेती आढळून आली. चालकाकडे रेती वाहतुकीसाठी कोणताही वैध परवाना अथवा पास नसल्याचे निष्पन्न झाले. 

या कारवाईत अंदाजे ३० लाख रुपयांचा हायवा ट्रक आणि ८० हजार रुपयांची रेती, असा एकूण ३० लाख ८० हजार रुपयांचा मुद्देमाल जप्त करण्यात आला. 
या प्रकरणी दीपक कमलाकर आत्राम (रा. दखलनी, ता. भद्रावती) हा हायवा चालक आणि नवाज शेख (रा. वरोरा) या वाहन मालकाविरुद्ध भारतीय न्याय संहिता (BNS) २०२३ चे कलम ३०३(२), ३(५) तसेच महाराष्ट्र जमीन महसूल संहिता, १९६६ चे कलम ४८ अंतर्गत वरोरा पोलिस ठाण्यात गुन्हा दाखल करण्यात आला असून पुढील तपास सुरू आहे.

                        वृक्षारोपण 

Comments

Post a Comment