वरोऱ्यात अवैध रेती वाहतुकीवर पोलिसांची मोठी कारवाई; ३०.८० लाखांचा हायवा व रेती जप्त

वरोऱ्यात अवैध रेती वाहतुकीवर पोलिसांची मोठी कारवाई; ३०.८० लाखांचा हायवा व रेती जप्त

हायवा चालक व मालकाविरुद्ध गुन्हा दाखल; वर्धा नदी रेती घाटावरून परवानगीशिवाय रेती वाहतूक सुरू असल्याची माहिती.

वरोरा : वरोरा पोलिसांनी अवैध रेती वाहतुकीविरोधात मोठी कारवाई करत सुमारे ३० लाख ८० हजार रुपयांचा हायवा ट्रक व ८ ब्रास रेती जप्त केली आहे. या प्रकरणी हायवा चालक व वाहन मालकाविरुद्ध गुन्हा दाखल करण्यात आला आहे. 

पोलिसांना मिळालेल्या गोपनीय माहितीनुसार, वर्धा नदी रेती घाटावरून मोहबाळा रोड मार्गे परवानगीशिवाय रेतीची वाहतूक होत असल्याची माहिती मिळाली. त्यानुसार पोलिसांनी पंचांसमक्ष सापळा रचून एमएच-३४ बीजी-८०१० क्रमांकाचा हायवा अडवून तपासणी केली. तपासणीदरम्यान ट्रकमध्ये सुमारे ८ ब्रास रेती आढळून आली. चालकाकडे रेती वाहतुकीसाठी कोणताही वैध परवाना अथवा पास नसल्याचे निष्पन्न झाले. 

या कारवाईत अंदाजे ३० लाख रुपयांचा हायवा ट्रक आणि ८० हजार रुपयांची रेती, असा एकूण ३० लाख ८० हजार रुपयांचा मुद्देमाल जप्त करण्यात आला. 

या प्रकरणी दीपक कमलाकर आत्राम (रा. दखलनी, ता. भद्रावती) हा हायवा चालक आणि नवाज शेख (रा. वरोरा) या वाहन मालकाविरुद्ध भारतीय न्याय संहिता (BNS) २०२३ चे कलम ३०३(२), ३(५) तसेच महाराष्ट्र जमीन महसूल संहिता, १९६६ चे कलम ४८ अंतर्गत वरोरा पोलिस ठाण्यात गुन्हा दाखल करण्यात आला असून पुढील तपास सुरू आहे.

                        वृक्षारोपण