पोलिसांनी सिनेस्टाईल पाठलाग करून अवैध दारू तस्करी पकडली.नंदोरीजवळ कारमधून ५.१५ लाखांचा अवैध विदेशी मद्यसाठा जप्त; तिघांविरुद्ध गुन्हा.

पोलिसांनी सिनेस्टाईल पाठलाग करून अवैध दारू तस्करी पकडली.

नांदोरीजवळ कारमधून ५.१५ लाखांचा अवैध विदेशी मद्यसाठा जप्त; तिघांविरुद्ध गुन्हा.

वरोरा : स्थानिक गुन्हे शाखा, चंद्रपूरच्या पथकाने वरोरा पोलीस ठाण्याच्या हद्दीतील नांदोरी परिसरात धडक कारवाई करत कारमधून सुमारे ₹5,15,858 किमतीचा अवैध विदेशी मद्यसाठा, कार व मोबाईल जप्त केला. या प्रकरणी नरेंद्र जितेंद्र भाट (वय 31), सौ. दामिनी नरेंद्र भाट (वय 28) आणि सूर्या उर्फ सुरज परसंगे यांच्याविरुद्ध गुन्हा दाखल करण्यात आला आहे. �0779 Publish FIR.pdf

पोलिसांना मिळालेल्या गुप्त माहितीनुसार 30 जून रोजी नांदोरी परिसरात नाकाबंदी करण्यात आली. त्यावेळी संशयित टोयोटा इटिओस (MH-01-BT-1087) कार अडविण्याचा प्रयत्न केला असता चालकाने वाहन वळवून पळ काढण्याचा प्रयत्न केला. पाठलाग करून वाहन थांबविल्यानंतर कारमध्ये मोठ्या प्रमाणात विदेशी मद्याचा साठा आढळून आला. तपासात 251 बाटल्या GOA Spirit of Smoothness Whisky, 102 बाटल्या Bombay Special Whisky, टोयोटा इटिओस कार तसेच तीन मोबाईल फोन असा एकूण ₹5,15,858 किमतीचा मुद्देमाल जप्त करण्यात आला. 

या प्रकरणी वरोरा पोलीस ठाण्यात महाराष्ट्र दारूबंदी अधिनियम, 1949 चे कलम 65(अ), 65(ई) आणि 83 अन्वये गुन्हा नोंद करण्यात आला असून पुढील तपास पोलीस करत आहेत.