ग्रामीण भागात ट्युशनशिवाय मुलींचा SSC मध्ये दबदबा; साक्षी भुडेने मिळविला 93.80% गुण

ग्रामीण भागात ट्युशनशिवाय मुलींचा SSC मध्ये दबदबा; साक्षी भुडेने मिळविला 93.80% गुण

चिकणी (जि. चंद्रपूर) : किसान विद्यालय चिकणीच्या विद्यार्थ्यांनी एसएससी बोर्ड परीक्षेत उत्कृष्ट निकाल देत ग्रामीण भागात यशाचा झेंडा रोवला आहे. शाळेचा एकूण निकाल 82.10% लागला असून, विशेष म्हणजे या सर्व यशात तीन विद्यार्थिनींनी आपल्या कामगिरीने शाळेचे नाव उज्ज्वल केले आहे.

यामध्ये कुमारी साक्षी राजू भुडे हिने शाळेत प्रथम क्रमांक मिळवून 93.80% गुण संपादन केले. द्वितीय क्रमांक सांजवी गुलाब शिवणकर हिने 83.20% गुण मिळवत पटकावला, तर तृतीय क्रमांक खुशी सुरेश गानफाडे हिने 78.80% गुण घेतला.

ग्रामीण भागात कधीही ट्युशनची सुविधा उपलब्ध नसतानाही या मुलींनी बिगर ट्युशन हे यश मिळविले आहे. शाळेतर्फे तसेच चिकणी गावातर्फे या विद्यार्थिनींचे सर्वत्र कौतुक होत आहे. उत्तम खेळाडू म्हणूनही या तिन्ही विद्यार्थिनी कबड्डी खेळात यशस्वी ठरल्या आहेत.

आपल्या यशाचे श्रेय या विद्यार्थिनींनी आपले आई-वडील, संस्थेचे अध्यक्ष श्री रामदासजी माथनकर, सचिव सुभाष भाऊ माथनकर, शाळेचे मुख्याध्यापक श्री संजय पिंपळशेंडे सर, शाळेतील इतर शिक्षक तसेच कबड्डी प्रशिक्षक श्री बाबा आगलावे सर यांना दिले आहे.

...........