इरई धरण परिसरात वाघाचा हल्लादुपारच्या वेळी गाय ठार; नागरिकांमध्ये भीतीचे वातावरण

इरई धरण परिसरात वाघाचा हल्ला

दुपारच्या वेळी गाय ठार; नागरिकांमध्ये भीतीचे वातावरण

वरोरा : दिनांक ८ मे २०२६ रोजी दुपारी सुमारे ३:३० वाजताच्या दरम्यान इरई धरण परिसरातील बीट क्रमांक ९५६ मध्ये वाघाने हल्ला करून एका गायीचा बळी घेतल्याची घटना घडली. सदर गाय ही अभिमान चौखे यांची असल्याची माहिती मिळाली आहे.

घटनेमुळे परिसरातील नागरिकांमध्ये भीतीचे वातावरण निर्माण झाले असून, मागील काही दिवसांपासून या भागात वाघांचा वावर वाढल्याचे ग्रामस्थांनी सांगितले. विशेषतः सिताराम पेठ परिसरात वारंवार वाघ दिसत असल्याने नागरिकांमध्ये दहशत पसरली आहे.

स्थानिक नागरिकांनी वनविभागाने तात्काळ लक्ष देऊन परिसरात गस्त वाढवावी, तसेच नागरिकांच्या सुरक्षेसाठी आवश्यक उपाययोजना कराव्यात अशी मागणी केली आहे. शेतकरी व पशुपालकांनी जनावरे जंगलालगतच्या भागात सोडताना खबरदारी घ्यावी, असे आवाहनही करण्यात येत आहे.