वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला.लोकमान्य शाळेजवळून हिरो स्प्लेंडर लंपासअज्ञात चोराविरुद्ध गुन्हा दाखल; पोलिसांकडून तपास सुरू.

Posted by on
वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला. लोकमान्य शाळेजवळून हिरो स्प्लेंडर लंपास अज्ञात चोराविरुद्ध गुन्हा दाखल; पोलिसांकडून तपास सुरू वरोरा : शहरात दुचाकी चोरीच्या घटना वाढत असून आणखी एका मोटारसायकल चोरीची नोंद वरोरा पोलीस ठाण्यात झाली आहे. या प्रकरणी साहील वासुदेव ढवस (रा. मुक्ता, ता. मारेगाव, जि. यवतमाळ) यांनी दिलेल्या तक्रारीवरून अज्ञात चोरट्याविरुद्ध गुन्हा दाखल करण्यात आला आहे. तक्रारीनुसार, फिर्यादीने त्यांची काळ्या रंगाची हिरो स्प्लेंडर (क्र. MH-29 BM-7107) ही मोटारसायकल 11 जुलैच्या रात्री लोकमान्य शाळेजवळील मित्राच्या रूमसमोर उभी केली होती. 12 जुलै रोजी सकाळी सुमारे 8 वाजता गाडीच्या ठिकाणी गेल्यानंतर ती चोरीला गेल्याचे निदर्शनास आले. परिसरात शोध घेऊनही मोटारसायकल मिळून न आल्याने पोलिसांत तक्रार देण्यात आली. चोरीस गेलेल्या दुचाकीची अंदाजे किंमत 20 हजार रुपये असल्याचे फिर्यादीने नमूद केले आहे. या प्रकरणी वरोरा पोलीस ठाण्यात भारतीय न्याय संहिता (BNS), 2023 च्या कलम 303(2) अंतर्गत अज्ञात आरोपीविरुद्ध गुन्हा दाखल करण्यात आला असून पुढील...
0

भरधाव ट्रॅव्हल्स बसची म्हशींना धडक; शेतकऱ्याचे ९ लाखांपर्यंत नुकसान

Posted by on
भरधाव ट्रॅव्हल्स बसची म्हशींना धडक; शेतकऱ्याचे ९ लाखांपर्यंत नुकसान

वरोरा : टेमुर्डा येथील शेतकरी अतुल सुरेशराव भोंग यांच्या म्हशींना भरधाव ट्रॅव्हल्स बसने धडक दिल्याने दोन म्हशी जागीच ठार तर एक म्हैस गंभीर जखमी झाल्याची घटना 18 मे रोजी सायंकाळी नागपूर-चंद्रपूर राष्ट्रीय महामार्गावर आदर्श जिनिंगसमोर घडली. या घटनेत शेतकऱ्याचे सुमारे 8 ते 9 लाख रुपयांपर्यंत नुकसान झाल्याची तक्रार वरोरा पोलीस स्टेशनमध्ये दाखल करण्यात आली आहे.
पोलीसांनी दिलेल्या माहितीनुसार, तक्रारदार अतुल भोंग (वय 38, रा. टेमुर्डा, ता. वरोरा) हे शेतीसोबत दुग्ध व्यवसाय करतात. त्यांच्या जवळ चार म्हशी व सात गाई असून ते नेहमीप्रमाणे जनावरे चारून गावाकडे परत आणत होते. दरम्यान, नागपूर-चंद्रपूर हायवेवर जनावरे रस्ता ओलांडत असताना MH-34-BH-5677 क्रमांकाच्या DNR ट्रॅव्हल्स बसने भरधाव वेगात येत निष्काळजीपणे धडक दिली.
या अपघातात 10 लिटर दूध देणारी एक म्हैस आणि गाभण असलेली दुसरी म्हैस जागीच मृत्युमुखी पडली, तर 14 लिटर दूध देणाऱ्या आणखी एका म्हशीचा पाय व जबडा गंभीर जखमी झाला. मृत व जखमी म्हशींची किंमत सुमारे 3 लाख रुपये असून, भविष्यातील दुग्ध उत्पन्नासह एकूण 8 ते 9 लाख रुपयांचे नुकसान झाल्याचे तक्रारीत नमूद करण्यात आले आहे.
या प्रकरणी वरोरा पोलिसांनी गुन्हा नोंदवून पुढील तपास पोलीस उपनिरीक्षक सुमित्रा साखरकर करीत आहेत.

Comments

Post a Comment