वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला.लोकमान्य शाळेजवळून हिरो स्प्लेंडर लंपासअज्ञात चोराविरुद्ध गुन्हा दाखल; पोलिसांकडून तपास सुरू.

Posted by on
वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला. लोकमान्य शाळेजवळून हिरो स्प्लेंडर लंपास अज्ञात चोराविरुद्ध गुन्हा दाखल; पोलिसांकडून तपास सुरू वरोरा : शहरात दुचाकी चोरीच्या घटना वाढत असून आणखी एका मोटारसायकल चोरीची नोंद वरोरा पोलीस ठाण्यात झाली आहे. या प्रकरणी साहील वासुदेव ढवस (रा. मुक्ता, ता. मारेगाव, जि. यवतमाळ) यांनी दिलेल्या तक्रारीवरून अज्ञात चोरट्याविरुद्ध गुन्हा दाखल करण्यात आला आहे. तक्रारीनुसार, फिर्यादीने त्यांची काळ्या रंगाची हिरो स्प्लेंडर (क्र. MH-29 BM-7107) ही मोटारसायकल 11 जुलैच्या रात्री लोकमान्य शाळेजवळील मित्राच्या रूमसमोर उभी केली होती. 12 जुलै रोजी सकाळी सुमारे 8 वाजता गाडीच्या ठिकाणी गेल्यानंतर ती चोरीला गेल्याचे निदर्शनास आले. परिसरात शोध घेऊनही मोटारसायकल मिळून न आल्याने पोलिसांत तक्रार देण्यात आली. चोरीस गेलेल्या दुचाकीची अंदाजे किंमत 20 हजार रुपये असल्याचे फिर्यादीने नमूद केले आहे. या प्रकरणी वरोरा पोलीस ठाण्यात भारतीय न्याय संहिता (BNS), 2023 च्या कलम 303(2) अंतर्गत अज्ञात आरोपीविरुद्ध गुन्हा दाखल करण्यात आला असून पुढील...
0

शेगाव बु. येथे अनधिकृत एच.टी.बी.टी. कापूस बियाण्याचा साठा जप्त.

Posted by on
शेगाव बु. येथे अनधिकृत एच.टी.बी.टी. कापूस बियाण्याचा साठा जप्त.

96 पॅकेट संशयास्पद बियाणे जप्त; कृषी विभागाच्या तक्रारीवरून गुन्हा दाखल

वरोरा चेतन लूतडे 13/5/26
चंद्रपूर जिल्ह्यातील शेगाव बु. ता. वरोरा येथे अनधिकृत व संशयास्पद एच.टी.बी.टी. कापूस बियाण्याची साठवणूक करून विक्री केल्याप्रकरणी पोलिसांनी गुन्हा दाखल केला आहे. ही कारवाई कृषी विभागाच्या भरारी पथकाने केली असून आरोपीकडून एकूण 96 पॅकेट कापूस बियाणे जप्त करण्यात आले आहेत.
पोलीस स्टेशन शेगाव येथे प्रथम खबर क्रमांक 0160/2026 नोंदविण्यात आला असून हा गुन्हा 13 मे 2026 रोजी पहाटे 00:47 वाजता दाखल करण्यात आला.
फिर्यादी श्री. मारोती संतोषराव वरभे (वय 57), कृषी अधिकारी (गुणनियंत्रण), तालुका कृषी अधिकारी कार्यालय वरोरा यांनी शासनाच्या वतीने तक्रार दाखल केली आहे. त्यांनी दिलेल्या माहितीनुसार, 12 मे 2026 रोजी गोपनीय माहितीच्या आधारे भरारी पथकाने शेगाव बु. येथील श्री. मीतेश किशोर पारोधे यांच्या राहत्या घरी छापा टाकला.
या कारवाईत विभागीय गुणनियंत्रण निरीक्षक श्री. एस. टी. पवार, मोहीम अधिकारी श्री. लकेश अंगेश कुमार कटरे, जिल्हा गुणनियंत्रण निरीक्षक श्री. श्रावण माधवराव बोडे तसेच कृषी अधिकारी श्री. गजानन पी. हटवार सहभागी होते.
पंच म्हणून श्री. निखील विलास वाढई व श्री. रवींद्र ऋषी दडमल यांच्या उपस्थितीत पंचनामा करण्यात आला.
तपासादरम्यान दोन प्लास्टिक पिशव्यांमध्ये संशयास्पद एच.टी.बी.टी. कापूस बियाणे आढळून आले.
“CHHAVA” नावाच्या बॅगमध्ये 46 पॅकेट तर “TRUST” नावाच्या बॅगमध्ये 50 पॅकेट बियाणे आढळले. सर्व पॅकेट प्रत्येकी 450 ग्रॅम वजनाचे असून एकूण 96 पॅकेट बियाण्यांची किंमत 86 हजार 496 रुपये असल्याचे नमूद करण्यात आले आहे.
तपासादरम्यान आरोपी मीतेश किशोर पारोधे यांनी हे बियाणे सेलू तालुका, जिल्हा वर्धा येथील श्री. टेकाडे यांच्याकडून मिळाल्याचे सांगितले.
तक्रारीनुसार, जप्त करण्यात आलेल्या बियाण्यांवर उत्पादक, विक्रेता, गुणवत्ता व मान्यता याबाबत आवश्यक माहिती नव्हती. तसेच GEAC मान्यतेचा उल्लेख नसल्याचेही आढळले. त्यामुळे शेतकऱ्यांची फसवणूक करण्याच्या उद्देशाने बेकायदेशीर साठवणूक व विक्री केल्याचा आरोप करण्यात आला आहे.
या प्रकरणात खालील कायद्यांअंतर्गत गुन्हे नोंदविण्यात आले आहेत —
पर्यावरण संरक्षण अधिनियम 1986 कलम 7, 15, 16
अत्यावश्यक वस्तू अधिनियम 1955 कलम 1, 2, 3 व 7
बीज अधिनियम 1966 कलम 7(a), 7(c), 7(d), 19
बियाणे नियंत्रण आदेश 1983 कलम 3 व 8
बियाणे नियम 1968 मधील नियम 7, 8, 9, 10, 11, 12, 13, 14 व 15
भारतीय न्याय संहिता (BNS) 2023 कलम 318(4) व 3(5)
शेगाव पोलिसांनी आरोपी श्री. मीतेश किशोर पारोधे, रा. गांधी वार्ड, शेगाव बु., ता. वरोरा, जि. चंद्रपूर यांच्याविरुद्ध गुन्हा दाखल करून पुढील तपास सुरू केला आहे.
..........

Comments

Post a Comment