वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला.लोकमान्य शाळेजवळून हिरो स्प्लेंडर लंपासअज्ञात चोराविरुद्ध गुन्हा दाखल; पोलिसांकडून तपास सुरू.

Posted by on
वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला. लोकमान्य शाळेजवळून हिरो स्प्लेंडर लंपास अज्ञात चोराविरुद्ध गुन्हा दाखल; पोलिसांकडून तपास सुरू वरोरा : शहरात दुचाकी चोरीच्या घटना वाढत असून आणखी एका मोटारसायकल चोरीची नोंद वरोरा पोलीस ठाण्यात झाली आहे. या प्रकरणी साहील वासुदेव ढवस (रा. मुक्ता, ता. मारेगाव, जि. यवतमाळ) यांनी दिलेल्या तक्रारीवरून अज्ञात चोरट्याविरुद्ध गुन्हा दाखल करण्यात आला आहे. तक्रारीनुसार, फिर्यादीने त्यांची काळ्या रंगाची हिरो स्प्लेंडर (क्र. MH-29 BM-7107) ही मोटारसायकल 11 जुलैच्या रात्री लोकमान्य शाळेजवळील मित्राच्या रूमसमोर उभी केली होती. 12 जुलै रोजी सकाळी सुमारे 8 वाजता गाडीच्या ठिकाणी गेल्यानंतर ती चोरीला गेल्याचे निदर्शनास आले. परिसरात शोध घेऊनही मोटारसायकल मिळून न आल्याने पोलिसांत तक्रार देण्यात आली. चोरीस गेलेल्या दुचाकीची अंदाजे किंमत 20 हजार रुपये असल्याचे फिर्यादीने नमूद केले आहे. या प्रकरणी वरोरा पोलीस ठाण्यात भारतीय न्याय संहिता (BNS), 2023 च्या कलम 303(2) अंतर्गत अज्ञात आरोपीविरुद्ध गुन्हा दाखल करण्यात आला असून पुढील...
0

वरोरा तालुक्यात भीषण अपघात; हायवा धडकेत दुचाकीस्वाराचा मृत्यू

Posted by on
वरोरा तालुक्यात भीषण अपघात; हायवा धडकेत दुचाकीस्वाराचा मृत्यू
बातमी:

वरोरा (प्रतिनिधी) : तालुक्यातील चरुरखटी गावाजवळ शनिवारी (दि. १ मे) रात्री घडलेल्या भीषण अपघातात दुचाकीस्वाराचा मृत्यू झाल्याची घटना उघडकीस आली आहे. या घटनेमुळे परिसरात हळहळ व्यक्त केली जात आहे.
मिळालेल्या माहितीनुसार, नांद्रा येथील रहिवासी सुनिल मानिक कुमरे (वय ४०) हे GMR कंपनीत हाउसकीपिंगचे काम करत होते. दि. १ मे रोजी दिवसभराची ड्युटी संपवून ते सायंकाळी घरी परतले. त्यानंतर दहेगाव येथे मित्राच्या धार्मिक कार्यक्रमासाठी ते आपल्या पॅशन प्रो (क्र. MH 34-KY-1097) दुचाकीने निघाले होते.

दरम्यान, रात्री सुमारे ८.३० वाजताच्या सुमारास चरुरखटी गावाजवळील नाल्याजवळ त्यांच्या दुचाकीला आयसर हायवा (क्र. MH-34-CQ-1484) या दहा चाकी वाहनाने जोरदार धडक दिली. हा अपघात हायवा चालकाच्या निष्काळजी व बेदरकार वाहन चालविण्यामुळे झाल्याचा आरोप नातेवाईकांनी केला आहे.
अपघाताची माहिती मिळताच मृताच्या भावाने घटनास्थळी धाव घेतली. मात्र तोपर्यंत सुनिल कुमरे यांचा मृत्यू झाल्याचे समोर आले. या घटनेची तोंडी तक्रार वरोरा पोलीस स्टेशनमध्ये दाखल करण्यात आली असून पुढील तपास पोलीस करत आहेत.
..........

बुद्ध पौर्णिमेचा पारंपारिक सण परिवारासोबत साजरा करताना जिल्हाप्रमुख नितीन मत्ते सह पत्रकार बंधू.

Comments

Post a Comment