आझाद वॉर्डमध्ये अवैध देशी दारू विक्रीवर पोलिसांची कारवाई.26 राकेट देशी दारूच्या बाटल्या जप्त; आरोपीविरुद्ध महाराष्ट्र दारूबंदी कायद्यान्वये गुन्हा दाखल.वीना लायसन मोठ्या प्रमाणात शहरात दारू विक्री.

आझाद वॉर्डमध्ये अवैध देशी दारू विक्रीवर पोलिसांची कारवाई.

26 राकेट देशी दारूच्या बाटल्या जप्त; आरोपीविरुद्ध महाराष्ट्र दारूबंदी कायद्यान्वये गुन्हा दाखल.

वीना लायसन मोठ्या प्रमाणात शहरात दारू विक्री. 

वरोरा- 13/5/26

वरोरा शहरातील आझाद वॉर्ड परिसरात अवैधरित्या देशी दारू विक्री करणाऱ्या युवकावर वरोरा पोलिसांनी कारवाई करून मोठ्या प्रमाणात देशी दारू जप्त केली. ही कारवाई 11 मे 2026 रोजी सायंकाळी करण्यात आली.

पोलिसांकडून मिळालेल्या माहितीनुसार, पोलीस हवालदार अमोल मारोती नवघरे, पो.हवा. सुखराज यादव व इतर पोलीस कर्मचारी अवैध धंद्यांविरोधात पेट्रोलिंग करीत असताना मुखबिरामार्फत माहिती मिळाली की, आझाद वॉर्ड येथे राहणारा वैभव रमेश ब्राम्हणे (वय 24) हा आपल्या घरासमोर अवैधरित्या देशी दारू विक्री करीत आहे.

माहितीच्या आधारे पोलिसांनी पंचांसह घटनास्थळी धाड टाकली. यावेळी आरोपीच्या घराच्या अंगणातील प्लास्टिकच्या पिशवीत 26 नग राकेट देशी दारूच्या 90 एमएलच्या बाटल्या आढळून आल्या. जप्त करण्यात आलेल्या मुद्देमालाची किंमत सुमारे 1 हजार 40 रुपये असल्याचे सांगण्यात आले.

त्या दारू बॉटल कोणत्या दुकानातून खरेदी केल्या. बिना लायसन इतक्या मोठ्या प्रमाणात देशी दारू कशी खरेदी केली याची विचारणा सुद्धा होणार असल्याचे कळले. 

पोलिसांनी पंचासमक्ष एक बाटली नमुना म्हणून सील करून उर्वरित मुद्देमाल जप्त केला. त्यानंतर आरोपीला ताब्यात घेऊन पुढील कारवाईसाठी वरोरा पोलीस ठाण्यात आणण्यात आले.

या प्रकरणी आरोपी वैभव रमेश ब्राम्हणे याच्याविरुद्ध महाराष्ट्र दारूबंदी कायदा कलम 65 (ई) अन्वये गुन्हा दाखल करण्यात आला असून पुढील तपास वरोरा पोलीस करीत आहेत.