माढेळी येथे अवैध देशी दारू विक्रीवर पोलिसांची कारवाई20 रॉकेट संत्रा दारूच्या बाटल्या जप्त; आरोपीविरुद्ध गुन्हा दाखल.

माढेळी येथे अवैध देशी दारू विक्रीवर पोलिसांची कारवाई

20 रॉकेट संत्रा दारूच्या बाटल्या जप्त; आरोपीविरुद्ध गुन्हा दाखल.

वरोरा चेतन लूतडे -16/5/26

वरोरा पोलिसांनी माढेळी परिसरात अवैधरित्या देशी दारू विक्री करणाऱ्या इसमावर कारवाई करत 20 रॉकेट संत्रा देशी दारूच्या बाटल्या जप्त केल्या. ही कारवाई 26 मार्च 2026 रोजी करण्यात आली.

पोलीस अंमलदार रोशन हरीचंद्र तामसेटवार व पोउपनि मधुकर सामलवार यांच्या पथकाला मुखबिरामार्फत माहिती मिळाली होती की, माढेळी येथील दिलीप विनायक पंधरे (वय 55) हे वडगाव रोडवरील आपल्या राहत्या घरी अवैधरित्या दारू विक्री करीत आहेत. माहितीच्या आधारे पोलिसांनी पंचांसह संबंधित ठिकाणी धाड टाकली.

घरझडतीदरम्यान घरातील पहिल्या खोलीच्या कोपऱ्यात ठेवलेल्या कापडी पिशवीमध्ये रॉकेट संत्रा कंपनीच्या प्रत्येकी 90 मि.ली. क्षमतेच्या 20 सिलबंद प्लास्टिक बाटल्या आढळून आल्या. जप्त करण्यात आलेल्या दारूची किंमत अंदाजे 800 रुपये असल्याचे पोलिसांनी सांगितले.

पोलिसांनी पंचासमक्ष घटनास्थळ पंचनामा करून मुद्देमाल ताब्यात घेतला. आरोपीकडे दारू साठवण्याबाबत कोणताही वैध परवाना नसल्याचे निष्पन्न झाले.

या प्रकरणी दिलीप विनायक पंधरे यांच्याविरुद्ध महाराष्ट्र दारूबंदी कायदा कलम 65 (ई) अन्वये वरोरा पोलीस ठाण्यात गुन्हा दाखल करण्यात आला असून पुढील तपास सुरू आहे.