वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला.लोकमान्य शाळेजवळून हिरो स्प्लेंडर लंपासअज्ञात चोराविरुद्ध गुन्हा दाखल; पोलिसांकडून तपास सुरू.

Posted by on
वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला. लोकमान्य शाळेजवळून हिरो स्प्लेंडर लंपास अज्ञात चोराविरुद्ध गुन्हा दाखल; पोलिसांकडून तपास सुरू वरोरा : शहरात दुचाकी चोरीच्या घटना वाढत असून आणखी एका मोटारसायकल चोरीची नोंद वरोरा पोलीस ठाण्यात झाली आहे. या प्रकरणी साहील वासुदेव ढवस (रा. मुक्ता, ता. मारेगाव, जि. यवतमाळ) यांनी दिलेल्या तक्रारीवरून अज्ञात चोरट्याविरुद्ध गुन्हा दाखल करण्यात आला आहे. तक्रारीनुसार, फिर्यादीने त्यांची काळ्या रंगाची हिरो स्प्लेंडर (क्र. MH-29 BM-7107) ही मोटारसायकल 11 जुलैच्या रात्री लोकमान्य शाळेजवळील मित्राच्या रूमसमोर उभी केली होती. 12 जुलै रोजी सकाळी सुमारे 8 वाजता गाडीच्या ठिकाणी गेल्यानंतर ती चोरीला गेल्याचे निदर्शनास आले. परिसरात शोध घेऊनही मोटारसायकल मिळून न आल्याने पोलिसांत तक्रार देण्यात आली. चोरीस गेलेल्या दुचाकीची अंदाजे किंमत 20 हजार रुपये असल्याचे फिर्यादीने नमूद केले आहे. या प्रकरणी वरोरा पोलीस ठाण्यात भारतीय न्याय संहिता (BNS), 2023 च्या कलम 303(2) अंतर्गत अज्ञात आरोपीविरुद्ध गुन्हा दाखल करण्यात आला असून पुढील...
0

फटाके फोडण्यास मनाई केल्याच्या कारणावरून आशीर्वाद मंगल कार्यालयात मारहाण; तिघांवर गुन्हा दाखल

Posted by on

फटाके फोडण्यास मनाई केल्याच्या कारणावरून आशीर्वाद मंगल कार्यालयात मारहाण; तिघांवर गुन्हा दाखल

वरोरा, ता. ११ एप्रिल : वरोरा येथील आशीर्वाद मंगल कार्यालय येथे लग्नाच्या वरातीत फटाके फोडण्यास मनाई केल्याच्या कारणावरून वरातीतील आठ जणांनी २० वर्षीय शाहीद इरफान रंगरेज व त्यांच्या दोन साथीदारांना बेदम मारहाण केल्याची घटना समोर आली आहे. याप्रकरणी पोलिसांनी तीन आरोपींची नावे उघड करीत त्यांच्यावर भारतीय न्याय संहिता (BNS) च्या कलम ११५(२) (मारहाण), १८८(२), १९०  अंतर्गत गुन्हा दाखल केला आहे.

लग्न कार्यालयात आलेल्या वरातीमध्ये
१) जामेश अब्दुल हारून शेख (रा. चंद्रपूर)
२) शेख रहेमत शेख अहमद (रा. बल्लारशा)
३) शेख काशीफ शेख साजीद (रा. अमरावती)
तसेच इतर ४ ते ५ अज्ञात वराती लग्नकार्यासाठी आशीर्वाद मंगल कार्यालय, वरोरा येथे आले होते. वरात मंगल कार्यालयाच्या गेट जवळ आल्यानंतर फटाके फोडून आनंद साजरा करत होते. 

यादरम्यान फिर्यादी शाहीद इरफान रंगरेज यांनी शेजारी दिलीप पाडवे यांच्या तक्रारीनंतर वरातीतील लोकांना फटाके फोडल्याने होणाऱ्या त्रासाबाबत समजावले. पण ते समजण्याच्या मानसिकतेत नव्हते. त्यामुळे वराती मधील लोकांनी रागाच्या भरात शाहीद यांना गाडीवर फेकून मान, पाठ, पोट, कान व डोळ्यांखाली मारहाण केली. नंतर र्ऑफिसमध्येही पुन्हा मारहाण केली. तसेच स्वयंपाकघरातील कर्मचारी विजय मेश्राम यालाही मारहाण करण्यात आली. या घटनेनंतर वरोरा पोलीस स्टेशन येथे तक्रार दाखल करण्यात आली.

पोलिसांनी घटनास्थळाचा पंचनामा करून सीसीटीव्ही फुटेज जप्त केला आहे. फिर्यादीच्या वैद्यकीय अहवालात जखमांची नोंद आहे. आरोपींवर गुन्हा दाखल करून त्यांचा शोध सुरू असून, वरोरा पोलीस पुढील कारवाई करीत आहे.
.............

Comments

Post a Comment