वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला.लोकमान्य शाळेजवळून हिरो स्प्लेंडर लंपासअज्ञात चोराविरुद्ध गुन्हा दाखल; पोलिसांकडून तपास सुरू.

Posted by on
वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला. लोकमान्य शाळेजवळून हिरो स्प्लेंडर लंपास अज्ञात चोराविरुद्ध गुन्हा दाखल; पोलिसांकडून तपास सुरू वरोरा : शहरात दुचाकी चोरीच्या घटना वाढत असून आणखी एका मोटारसायकल चोरीची नोंद वरोरा पोलीस ठाण्यात झाली आहे. या प्रकरणी साहील वासुदेव ढवस (रा. मुक्ता, ता. मारेगाव, जि. यवतमाळ) यांनी दिलेल्या तक्रारीवरून अज्ञात चोरट्याविरुद्ध गुन्हा दाखल करण्यात आला आहे. तक्रारीनुसार, फिर्यादीने त्यांची काळ्या रंगाची हिरो स्प्लेंडर (क्र. MH-29 BM-7107) ही मोटारसायकल 11 जुलैच्या रात्री लोकमान्य शाळेजवळील मित्राच्या रूमसमोर उभी केली होती. 12 जुलै रोजी सकाळी सुमारे 8 वाजता गाडीच्या ठिकाणी गेल्यानंतर ती चोरीला गेल्याचे निदर्शनास आले. परिसरात शोध घेऊनही मोटारसायकल मिळून न आल्याने पोलिसांत तक्रार देण्यात आली. चोरीस गेलेल्या दुचाकीची अंदाजे किंमत 20 हजार रुपये असल्याचे फिर्यादीने नमूद केले आहे. या प्रकरणी वरोरा पोलीस ठाण्यात भारतीय न्याय संहिता (BNS), 2023 च्या कलम 303(2) अंतर्गत अज्ञात आरोपीविरुद्ध गुन्हा दाखल करण्यात आला असून पुढील...
0

वरोऱ्यात निष्काळजी वाहनचालकांवर पोलिसांची कारवाई; रस्त्यात ऑटो उभे करून सोडणाऱ्या 5 चालकांविरुद्ध गुन्हे दाखल

Posted by on
वरोऱ्यात निष्काळजी वाहनचालकांवर पोलिसांची कारवाई; रस्त्यात ऑटो उभे करून सोडणाऱ्या 5 चालकांविरुद्ध गुन्हे दाखल
वरोरा : प्रतिनिधी
शहरातील विविध चौकांमध्ये रस्त्याच्या मधोमध कोणतेही इशारे (इंडिकेटर/रिफ्लेक्टर) न लावता ऑटो उभे करून चालकांनी वाहन सोडून दिल्याच्या घटनांवर वरोरा पोलिसांनी कारवाई करत एकाच दिवशी पाच निष्काळजी चालकांविरुद्ध गुन्हे दाखल करण्याची प्रक्रिया सुरू केली आहे. या प्रकारांमुळे मोठे अपघात होण्याची शक्यता निर्माण झाली होती.
पोलिसांकडून मिळालेल्या माहितीनुसार, दिनांक 23 एप्रिल 2026 रोजी पोहवा संदीप अनेराव हे विविध ठिकाणी फिक्स पॉईंट ड्युटीवर असताना या घटना उघडकीस आल्या.
🔹 आनंदवन चौक (सकाळी 10:30)
ऑटो क्र. MH-34-D-3170 रस्त्याच्या मधोमध उभा आढळला. चालक गजानन पांडुरंग भोयर (वय 50, रा. मालविय वार्ड) याच्याविरुद्ध कारवाई.
🔹 आनंदवन चौक (सायं. 4:40)
ऑटो क्र. MH-34-BH-2557 उभा करून सोडल्याप्रकरणी सुचित तोमेश्वर विरुटकर (वय 48, रा. मालविय वार्ड) याच्यावर गुन्हा.
🔹 आनंदवन चौक (सायं. 5:00)
ऑटो क्र. MH-34-BH-2574 प्रकरणात राकेश प्रभाकर आगलावे (वय 35, रा. खांजी वार्ड) याच्यावर कारवाई.
🔹 रत्नमाला चौक (सायं. 4:50)
ऑटो क्र. MH-34-BH-4382 रस्त्यात उभा ठेवून सोडल्याबद्दल सागर घणश्याम जांभुळे (वय 28, रा. बोर्डा) याच्यावर गुन्हा.
🔹 रत्नमाला चौक (सायं. 5:05)
ऑटो क्र. MH-34-BH-4579 प्रकरणात तुकाराम विठ्ठलराव शेंडे (वय 45, रा. कमला वार्ड) याच्यावर कारवाई.
या सर्व प्रकरणांमध्ये संबंधित वाहनचालकांनी कोणतेही इशारे किंवा ओळखचिन्ह न लावता वाहन रस्त्याच्या मधोमध सोडल्यामुळे वाहतुकीस अडथळा निर्माण झाला आणि अपघात होण्याची शक्यता निर्माण झाली होती. पोलिसांनी तत्काळ वाहने बाजूला करून चालकांचा शोध घेतला.
सदर सर्व आरोपींविरुद्ध कलम 285 बीएनएस अंतर्गत गुन्हे नोंद करण्याची प्रक्रिया सुरू करण्यात आली असून, वरोरा पोलिसांकडून अशा निष्काळजी वाहनचालकांविरुद्ध पुढील काळातही कठोर कारवाई केली जाणार असल्याचे सांगण्यात आले आहे.
...............


Comments

Post a Comment