वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला.लोकमान्य शाळेजवळून हिरो स्प्लेंडर लंपासअज्ञात चोराविरुद्ध गुन्हा दाखल; पोलिसांकडून तपास सुरू.

Posted by on
वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला. लोकमान्य शाळेजवळून हिरो स्प्लेंडर लंपास अज्ञात चोराविरुद्ध गुन्हा दाखल; पोलिसांकडून तपास सुरू वरोरा : शहरात दुचाकी चोरीच्या घटना वाढत असून आणखी एका मोटारसायकल चोरीची नोंद वरोरा पोलीस ठाण्यात झाली आहे. या प्रकरणी साहील वासुदेव ढवस (रा. मुक्ता, ता. मारेगाव, जि. यवतमाळ) यांनी दिलेल्या तक्रारीवरून अज्ञात चोरट्याविरुद्ध गुन्हा दाखल करण्यात आला आहे. तक्रारीनुसार, फिर्यादीने त्यांची काळ्या रंगाची हिरो स्प्लेंडर (क्र. MH-29 BM-7107) ही मोटारसायकल 11 जुलैच्या रात्री लोकमान्य शाळेजवळील मित्राच्या रूमसमोर उभी केली होती. 12 जुलै रोजी सकाळी सुमारे 8 वाजता गाडीच्या ठिकाणी गेल्यानंतर ती चोरीला गेल्याचे निदर्शनास आले. परिसरात शोध घेऊनही मोटारसायकल मिळून न आल्याने पोलिसांत तक्रार देण्यात आली. चोरीस गेलेल्या दुचाकीची अंदाजे किंमत 20 हजार रुपये असल्याचे फिर्यादीने नमूद केले आहे. या प्रकरणी वरोरा पोलीस ठाण्यात भारतीय न्याय संहिता (BNS), 2023 च्या कलम 303(2) अंतर्गत अज्ञात आरोपीविरुद्ध गुन्हा दाखल करण्यात आला असून पुढील...
0

नंदोरीत जुगार अड्ड्यावर पोलिसांची धाड; 4 जण ताब्यात, 2.34 लाखांचा मुद्देमाल जप्त

Posted by on
नंदोरीत जुगार अड्ड्यावर पोलिसांची धाड; 4 जण ताब्यात, 2.34 लाखांचा मुद्देमाल जप्त

बातमी:28/4/26

वरोरा : भद्रावती तालुक्यातील नंदोरी येथील शेतशिवारात सुरू असलेल्या जुगार अड्ड्यावर वरोरा पोलिसांनी धाड टाकत चार जणांना ताब्यात घेतले. या कारवाईत रोख रक्कम, पत्ते व दुचाकी असा एकूण 2 लाख 34 हजार 600 रुपयांचा मुद्देमाल जप्त करण्यात आला.
पोलीस हवालदार सुखराज यादव (ब. नं. 711) यांच्यासह पोलीस पथक 25 एप्रिल रोजी सायंकाळी पेट्रोलिंग करत असताना त्यांना गोपनीय माहिती मिळाली की, नंदोरी गावातील शेतशिवारात काही जण पैशांची हार-जीत लावून जुगार खेळत आहेत. या माहितीच्या आधारे पोलिसांनी पंचांना सोबत घेऊन सापळा रचला.
आंब्याच्या झाडाखाली काही जण ‘52 तास’ पत्त्यांवर जुगार खेळत असल्याचे आढळून आले. पोलिसांनी छापा टाकताच काही जण पळून गेले, तर चार जणांना ताब्यात घेण्यात आले. अटक करण्यात आलेल्यांमध्ये गजानन मारोती बल्की (वय 30), राहुन भाऊराव अवगान (वय 29), कैलास मधुकर ढवस (वय 37) व गणेश नंदकिशोर शिवरकर (वय 21, सर्व रा. नंदोरी, ता. भद्रावती) यांचा समावेश आहे.
आरोपींकडून 9,900 रुपये रोख व 12 तास पत्ते जप्त करण्यात आले. तसेच जुगाराच्या डावावरून 4,600 रुपये व 40 तास पत्ते मिळून आले. याशिवाय घटनास्थळी आढळलेल्या पाच दुचाकी वाहनांचाही पंचासमक्ष जप्त करण्यात आला. जप्त वाहनांची किंमत सुमारे 2,20,000 रुपये असल्याचे सांगण्यात आले.
एकूण 14,500 रुपये रोख, 52 तास पत्ते व 5 दुचाकी असा एकूण 2,34,600 रुपयांचा मुद्देमाल जप्त करण्यात आला आहे.
या प्रकरणी संबंधित आरोपींविरुद्ध जुगार प्रतिबंधक कायद्यान्वये गुन्हा नोंद करण्यात आला असून पुढील तपास वरोरा पोलीस करीत आहेत.

Comments

Post a Comment