वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला.लोकमान्य शाळेजवळून हिरो स्प्लेंडर लंपासअज्ञात चोराविरुद्ध गुन्हा दाखल; पोलिसांकडून तपास सुरू.

Posted by on
वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला. लोकमान्य शाळेजवळून हिरो स्प्लेंडर लंपास अज्ञात चोराविरुद्ध गुन्हा दाखल; पोलिसांकडून तपास सुरू वरोरा : शहरात दुचाकी चोरीच्या घटना वाढत असून आणखी एका मोटारसायकल चोरीची नोंद वरोरा पोलीस ठाण्यात झाली आहे. या प्रकरणी साहील वासुदेव ढवस (रा. मुक्ता, ता. मारेगाव, जि. यवतमाळ) यांनी दिलेल्या तक्रारीवरून अज्ञात चोरट्याविरुद्ध गुन्हा दाखल करण्यात आला आहे. तक्रारीनुसार, फिर्यादीने त्यांची काळ्या रंगाची हिरो स्प्लेंडर (क्र. MH-29 BM-7107) ही मोटारसायकल 11 जुलैच्या रात्री लोकमान्य शाळेजवळील मित्राच्या रूमसमोर उभी केली होती. 12 जुलै रोजी सकाळी सुमारे 8 वाजता गाडीच्या ठिकाणी गेल्यानंतर ती चोरीला गेल्याचे निदर्शनास आले. परिसरात शोध घेऊनही मोटारसायकल मिळून न आल्याने पोलिसांत तक्रार देण्यात आली. चोरीस गेलेल्या दुचाकीची अंदाजे किंमत 20 हजार रुपये असल्याचे फिर्यादीने नमूद केले आहे. या प्रकरणी वरोरा पोलीस ठाण्यात भारतीय न्याय संहिता (BNS), 2023 च्या कलम 303(2) अंतर्गत अज्ञात आरोपीविरुद्ध गुन्हा दाखल करण्यात आला असून पुढील...
0

खापरीत अवैध दारू विक्रीवर पोलिसांची दुहेरी कारवाई; महिलेसह वृद्धावर गुन्हे, 32 शिश्या व रोख जप्त

Posted by on
खापरीत अवैध दारू विक्रीवर पोलिसांची दुहेरी कारवाई; महिलेसह वृद्धावर गुन्हे, 32 शिश्या व रोख जप्त

वरोरा/28/4/26/चेतन लूतडे 

वरोरा : तालुक्यातील खापरी परिसरात अवैध देशी दारू विक्रीवर वरोरा पोलिसांनी एकाच दिवशी दोन वेगवेगळ्या ठिकाणी धाड टाकत कारवाई केली. या कारवाईत एका महिलेसह एका वृद्धाविरुद्ध गुन्हे नोंद करण्यात आले असून एकूण 32 शिश्या व 500 रुपयांची रोकड जप्त करण्यात आली आहे.

पहिल्या कारवाईत गिरजा राजु कुरसंगे (वय 43, रा. खापरी) हिला खापरी रोडवरील नाल्याजवळ पकडण्यात आले. पोलिसांनी पंचासमक्ष तपासणी केली असता तिच्याकडून 25 नग देशी दारूच्या प्लास्टिक सिलबंद शिश्या (प्रत्येकी 90 मि.ली.) जप्त करण्यात आल्या. याशिवाय दारू विक्रीतून मिळालेली 500 रुपयांची रोकडही जप्त करण्यात आली. जप्त मालाची किंमत सुमारे 1000 रुपये आहे.
दुसऱ्या कारवाईत विठ्ठल मारोती मेश्राम (वय 75, रा. खापरी) याला डोंगरगाव-खापरी मार्गावर नाल्याजवळ पकडण्यात आले. त्याच्याकडून 7 नग देशी दारूच्या शिश्या (प्रत्येकी 90 मि.ली.) जप्त करण्यात आल्या असून त्यांची किंमत सुमारे 280 रुपये आहे.
दोन्ही प्रकरणांत आरोपींकडे दारू बाळगण्याचा कोणताही परवाना नसल्याचे निष्पन्न झाले. पोलिसांनी पंचासमक्ष दारू जप्त करून नमुना शिश्या सील केल्या आहेत.

या दोन्ही कारवाया पोलीस हवालदार संतोष किसन पवार व त्यांच्या पथकाने पेट्रोलिंगदरम्यान मुखबिराच्या माहितीवरून केल्या. दोन्ही आरोपींविरुद्ध महाराष्ट्र दारूबंदी कायद्यांतर्गत कलम 65 (ई) नुसार गुन्हे नोंद करण्यात आले असून पुढील तपास वरोरा पोलीस करीत आहेत.
...............

Comments

Post a Comment