*प्रा. डॉ. संदिप ताजने यांना आचार्य पदवी*

*प्रा. डॉ. संदिप ताजने यांना आचार्य पदवी*

वरोडा : शाम ठेंगडी

        येथील आनंदनिकेतन महाविद्यालयातील प्रा. डॉ. संदिप एस. ताजने यांना संत गाडगे बाबा अमरावती विद्यापीठातर्फे बेचाळीसाव्या दीक्षांत समारंभात आचार्य पदवी देऊन गौरवण्यात आले.

     प्रा. डॉ. संदिप  ताजने 2016 पासून आनंद निकेतन महाविद्यालयात वाणिज्य विभागात तासिका तत्वावर कार्यरत आहेत.  प्रा. डॉ. संदिप ताजने यांनी वाणिज्य आणि व्यवस्थापन शाखेत “चंद्रपूर जिल्ह्यातील रोजंदारी तत्त्वावर काम करणाऱ्या महिला कामगारांचे आर्थिक व सामाजिक दृष्टीकोनातून एक चिकीत्सक अध्ययन” या विषयावर  संशोधन प्रबंध लिहून सादर केला होता.

 त्यांना संशोधनाचे हे कार्य पूर्ण करण्यासाठी यवतमाळ जिल्ह्यातील केळापूर येथील  शिवरामजी मोघे कला, वाणिज्य व विज्ञान महाविद्यालयातील वाणिज्य विभाग प्रमुख डॉ राधेश्याम बी चौधरी यांनी मार्गदर्शन केले. तसेच या कार्यात अनेक सहकारी आणि मित्रपरिवार आणि आई वडिल यांचेही त्यांना सहकार्य मिळाले. त्या सर्वांचे त्यांनी आभार मानले आहेत.