वरोरा येथे छत्रपती शिवाजी महाराज जयंती उत्साहात साजरी; विविध कार्यक्रमांनी पाहुण्यांचे मनोरंजन

वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला.लोकमान्य शाळेजवळून हिरो स्प्लेंडर लंपासअज्ञात चोराविरुद्ध गुन्हा दाखल; पोलिसांकडून तपास सुरू.

Posted by chetan on July 17, 2026 चेतन लूतडे

वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला. लोकमान्य शाळेजवळून हिरो स्प्लेंडर लंपास अज्ञात चोराविरुद्ध गुन्हा दाखल; पोलिसांकडून तपास सुरू वरोरा : शहरात दुचाकी चोरीच्या घटना वाढत असून आणखी एका मोटारसायकल चोरीची नोंद वरोरा पोलीस ठाण्यात झाली आहे. या प्रकरणी साहील वासुदेव ढवस (रा. मुक्ता, ता. मारेगाव, जि. यवतमाळ) यांनी दिलेल्या तक्रारीवरून अज्ञात चोरट्याविरुद्ध गुन्हा दाखल करण्यात आला आहे. तक्रारीनुसार, फिर्यादीने त्यांची काळ्या रंगाची हिरो स्प्लेंडर (क्र. MH-29 BM-7107) ही मोटारसायकल 11 जुलैच्या रात्री लोकमान्य शाळेजवळील मित्राच्या रूमसमोर उभी केली होती. 12 जुलै रोजी सकाळी सुमारे 8 वाजता गाडीच्या ठिकाणी गेल्यानंतर ती चोरीला गेल्याचे निदर्शनास आले. परिसरात शोध घेऊनही मोटारसायकल मिळून न आल्याने पोलिसांत तक्रार देण्यात आली. चोरीस गेलेल्या दुचाकीची अंदाजे किंमत 20 हजार रुपये असल्याचे फिर्यादीने नमूद केले आहे. या प्रकरणी वरोरा पोलीस ठाण्यात भारतीय न्याय संहिता (BNS), 2023 च्या कलम 303(2) अंतर्गत अज्ञात आरोपीविरुद्ध गुन्हा दाखल करण्यात आला असून पुढील...

वरोरा येथे छत्रपती शिवाजी महाराज जयंती उत्साहात साजरी; विविध कार्यक्रमांनी पाहुण्यांचे मनोरंजन

वरोरा (सरदार पटेल वॉर्ड) : दरवर्षीप्रमाणे या वर्षीही 18 व 19 फेब्रुवारी 2025 रोजी छत्रपती शिवाजी महाराज यांची जयंती मोठ्या उत्साहात साजरी करण्यात आली. छत्रपती शिवाजी महाराज चौक, सरदार पटेल वॉर्ड येथे आयोजित या कार्यक्रमात विविध स्पर्धा व सांस्कृतिक कार्यक्रमांनी रंगत आणली गेली.

कार्यक्रमाची सुरुवात 18 फेब्रुवारी रोजी सायंकाळी 7 वाजता झाली. यावेळी जिल्हा प्रमुख नितीन मत्ते व नगरसेवक बंडू भाऊ देऊळकर यांच्या हस्ते माल्यार्पण करून छत्रपती शिवाजी महाराज यांना अभिवादन करण्यात आले. यानंतर नृत्य स्पर्धेचे आयोजन करण्यात आले होते. या स्पर्धेत वयोगट 3 ते 7 व 8 ते 15 असे दोन गट ठेवण्यात आले होते. सोलो परफॉर्मन्समध्ये एकूण 17 स्पर्धकांनी सहभाग घेतला, तर ग्रुप डान्समध्ये 5 गटांनी आपली कला सादर केली.

दुसऱ्या दिवशी 19 फेब्रुवारी रोजी सकाळी 9 वाजता नवनिर्वाचित नगराध्यक्ष यांच्यासह संपूर्ण नगरपालिका अधिकारी व नगरसेवक यांच्या हस्ते पूजा करण्यात आली. सकाळी 10 वाजता महाराजांच्या राज्याभिषेक सोहळ्याचे आयोजन करण्यात आले. यानंतर 10.30 वाजता शिवगर्जनेने परिसर दणाणून गेला. सकाळी 11 वाजता सरदार पटेल वॉर्डतर्फे पारंपरिक लेझिम सादर करून शिवतेजाचे दर्शन घडविण्यात आले. दुपारी 12 वाजता महाप्रसादाचे आयोजन करण्यात आले होते.

सायंकाळी 7 वाजता सुगम संगीताच्या कार्यक्रमाने उपस्थित रसिकांचे मनोरंजन केले. या कार्यक्रमास खासदार प्रतिभाताई धानोरकर,माजी नगराध्यक्ष श्याम आली, छोटू भाऊ शेख, डॉ. विशाल येडे, डॉ. यशवंत निब्रेड यांच्यासह इतर मान्यवर उपस्थित होते.

हे कार्यक्रम यशस्वी होण्यासाठी माजी नगरसेवक दिनेश यादव, धनंजय लिगाडे, अनिल कुंकूले, अमोल महामुलकर, सुधाकर कुंकूले, गजानन कोतले, सचिन जरे, देवा वाटकर, रवी शिंदे, सोनू पित्तलवार, नितीन गायकवाड, भोला गायकवाड यांच्यासह समस्त छत्रपती शिवाजी महाराज जन्मोत्सव समितीने परिश्रम घेतले.