निवडणुका पूर्णपणे इलेक्ट्रॉनिक मतदान यंत्रांद्वारे (EVM) घेतल्या जातील

निवडणुका पूर्णपणे इलेक्ट्रॉनिक मतदान यंत्रांद्वारे (EVM) घेतल्या जातील

फक्त बातमी 

महाराष्ट्र राज्य निवडणूक आयोगाने 42 नगरपंचायती आणि 246 नगरपरिषदांच्या निवडणुकांसाठी सज्जता दर्शवली आहे. यामध्ये 6859 सदस्य आणि 288 अध्यक्षांची निवड होणार आहे. अंतिम मतदार यादी 31 ऑक्टोबर 2025 रोजी प्रसिद्ध झाली असून, मतदान केंद्रनिहाय मतदार याद्या 7 नोव्हेंबर 2025 रोजी जाहीर केल्या जातील.

निवडणुकांमध्ये एकूण 1,07,03,500 मतदार आपला मतदानाचा हक्क बजावतील, ज्यासाठी 13,355 मतदान केंद्रांची व्यवस्था करण्यात आली आहे. निवडणुका पूर्णपणे इलेक्ट्रॉनिक मतदान यंत्रांद्वारे (EVM) घेतल्या जातील. उमेदवारांसाठी नामनिर्देशन प्रक्रिया आयोगाच्या संकेतस्थळावर ऑनलाईन पद्धतीने स्वीकारली जाईल. उमेदवारांना जात वैधता प्रमाणपत्राची आवश्यकता असून, ते नसल्यास अर्ज केल्याची पावती सादर करून सहा महिन्यांत प्रमाणपत्र देण्याची सक्ती आहे.

*राज्यातील नगरपालिका निवडणुकांचा कार्यक्रम घोषित-*

*अर्ज दाखल करणे-  10 नोव्हेंबर ते 17 नोव्हेंबर*

*अर्जाची छाननी-* *18 नोव्हेंबर*

*अर्जांची माघार-21 नोव्हेंबर*

*उमेदवारांना चिन्ह वाटप- 26 नोव्हेंबर*

*मतदान दिनांक-2 डिसेंबर 2025*

*मतमोजणी दिनांक- 3 डिसेंबर 2025*

*राजपत्र प्रसिद्ध होणार-10 डिसेंबर 2025*

*ऑनलाइन उमेदवारी अर्ज दाखल होणार.*