भरधाव टँकरच्या धडकेने महिलेचा जागीच मृत्यू

भरधाव टँकरच्या धडकेने महिलेचा जागीच मृत्यू

शेगाव : राष्ट्रीय महामार्ग क्रमांक ३५३ ई वर शेगाव पोलीस स्टेशनच्या समोर भरधाव वेगाने येणाऱ्या पेट्रोल टँकरने स्कुटीवर मागून जबरदस्त धडका दिल्यामुळे स्कुटीवरून पाठीमागे बसलेल्या एका महिलेचा जागीच मृत्यू झाल्याची दुर्घटना मंगळवारी सकाळी घडली. जखमी झालेल्या मुलाला रुग्णालयात दाखल करण्यात आले असून, टँकर चालकाला पोलिसांनी अटक केली आहे.

ही दुर्घटना सकाळी वरोरा येथील कातोरे कुटुंबासोबत घडली. कुटुंब सदस्य गंगाधर बापूराव कातोरे (वय ४२), त्यांच्या पत्नी कोमल गंगाधर कातोरे (वय ३३) आणि मुलगा रोहन गंगाधर कातोरे हे तिघेजण आपल्या स्कुटीवरून भिवापूर तालुक्यातील सेलोटी येथे तेरवीच्या कार्यक्रमासाठी जात होते. त्यांच्या स्कुटीचा नंबर MH 34 CP 1649 होता.

त्यावेळी, मागून भरधाव वेगाने येणाऱ्या MH 34 AB 4509 या नंबरच्या पेट्रोल टँकरने स्कुटीवर मागून जोरदार धडका दिला. या धडकीमुळे स्कुटीवरून पाठीमागे बसलेल्या कोमल कातोरे यांच्या डोक्याला तीव्र आघात झाला आणि त्यांचा तत्काळ मृत्यू झाला. धडकीत मुलगा रोहन जखमी झाला.

घटनेची माहिती मिळताच शेगाव  पोलिस ठाण्यातील पोलिस घटनास्थळी हजर झाले. पोलिसांनी टँकर चालक परमेश्वर खामदेवे (ठिकाण: पडोली) याला अटक केली आहे. मृत महिलेचा मृतदेह वरोरा येथील ग्रामीण रुग्णालयात शवपरीक्षणासाठी पाठवण्यात आला आहे.

शेगाव पोलीस स्टेशनचे पोलिस निरीक्षक योगेंद्रसिंह यादव यांच्या मार्गदर्शनाखाली उपनिरीक्षक सुमित कांबळे, मदन येरने, हरीश येरमे, छगण जांभुळे, हेमंत पाटिल या कर्मचाऱ्यांच्या तपासी गटाने या प्रकरणीचा तपास सुरू केला आहे. या दुर्घटनेची साक्ष घटनास्थळी जमलेल्या मोठ्या संख्येने नागरिकांनी दिली.