श्री रंगनाथ स्वामी नागरी सहकारी पतसंस्था मार्फत रक्तदान शिबिराचे आयोजन

वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला.लोकमान्य शाळेजवळून हिरो स्प्लेंडर लंपासअज्ञात चोराविरुद्ध गुन्हा दाखल; पोलिसांकडून तपास सुरू.

Posted by chetan on July 17, 2026 चेतन लूतडे

वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला. लोकमान्य शाळेजवळून हिरो स्प्लेंडर लंपास अज्ञात चोराविरुद्ध गुन्हा दाखल; पोलिसांकडून तपास सुरू वरोरा : शहरात दुचाकी चोरीच्या घटना वाढत असून आणखी एका मोटारसायकल चोरीची नोंद वरोरा पोलीस ठाण्यात झाली आहे. या प्रकरणी साहील वासुदेव ढवस (रा. मुक्ता, ता. मारेगाव, जि. यवतमाळ) यांनी दिलेल्या तक्रारीवरून अज्ञात चोरट्याविरुद्ध गुन्हा दाखल करण्यात आला आहे. तक्रारीनुसार, फिर्यादीने त्यांची काळ्या रंगाची हिरो स्प्लेंडर (क्र. MH-29 BM-7107) ही मोटारसायकल 11 जुलैच्या रात्री लोकमान्य शाळेजवळील मित्राच्या रूमसमोर उभी केली होती. 12 जुलै रोजी सकाळी सुमारे 8 वाजता गाडीच्या ठिकाणी गेल्यानंतर ती चोरीला गेल्याचे निदर्शनास आले. परिसरात शोध घेऊनही मोटारसायकल मिळून न आल्याने पोलिसांत तक्रार देण्यात आली. चोरीस गेलेल्या दुचाकीची अंदाजे किंमत 20 हजार रुपये असल्याचे फिर्यादीने नमूद केले आहे. या प्रकरणी वरोरा पोलीस ठाण्यात भारतीय न्याय संहिता (BNS), 2023 च्या कलम 303(2) अंतर्गत अज्ञात आरोपीविरुद्ध गुन्हा दाखल करण्यात आला असून पुढील...

श्री रंगनाथ स्वामी नागरी सहकारी पतसंस्था मार्फत रक्तदान शिबिराचे आयोजन

वरोरा

चेतन लूतडे

वरोरा : *श्री रंगनाथ स्वामी नागरी सहकारी पतसंस्था मर्यादित, वणी** यांच्या वरोरा शाखेच्या १७ व्या वर्धापनदिनी व **"आंतरराष्ट्रीय सहकार वर्ष २०२५"** च्या निमित्ताने गेल्या १४ ऑगस्ट रोजी शाखा परिसरात एक रक्तदान शिबीर आयोजित करण्यात आले होते.

या शिबिरात अनेक रक्तदात्यांनी उत्साहाने सहभाग घेऊन रक्तदान केले. संस्थेने वरोरा शाखा इ.स. २००८ मध्ये सुरू केली असून अल्पावधीतच तिने उल्लेखनीय कामगिरी केली आहे. संस्थेचे कार्यक्षेत्र संपूर्ण महाराष्ट्र राज्य असून वणीसह एकूण **२१ शाखा महाराष्ट्र मध्ये कार्यरत आहेत. संस्थेचे एकूण व्यवसाय **८६० कोटी रुपये एवढे आहे.

संस्था मार्फत सामाजिक हितासाठी विविध उपक्रम राबविले जात आहेत. या रक्तदान शिबिरात संस्थेचे उपाध्यक्ष **विवेकानंद मेडवकर**, संचालक **परिक्षित अकरे** आणि **सुरेश बडे**, शाखा व्यवस्थापक **विलास बोबडे**, तसेच कर्मचारी, अभिकर्ते आणि सभासद उपस्थित होते.

*****************