ट्रॅक्टर खाली दबून युवकाचा मृत्यू*करंजी रेती घाटावर वाहतूक करताना घडली घटना

*ट्रॅक्टर खाली दबून युवकाचा मृत्यू*

करंजी रेती घाटावर वाहतूक करताना घडली घटना

वरोरा:- तालुक्यातील सात किलोमिटर अंतरावर असलेल्या करंजी या रेती घाटावर ट्रॅक्टर मागे आल्याने ट्रॅक्टर खाली दबून युवकाचा मृत्यू झाल्याची घटना काल दिनांक 6जुन रोजी चार वाजता सुमारास घडली आशिष देवराव बोढे, वय 26 असे मृतकाचे नाव आहे.

करंजी रेती घाटावर असलेली रेती महसूल विभागाकडून काही दिवसा आधी जप्त करण्यात आली होती ही रेती शासनाने घरकुल धारकांना वाटप करण्यात येत आहे.या रेतीची वाहतूक करण्यासाठीं घरकुल धारक ट्रॅक्टर किरायाने घेऊन वाहतूक करीत आहे, काल दुपारी चार वाजता सुमारास एक ट्रॅक्टर रेती भरून रेती घाटातून निघत नसल्याने विजय ठेगणे यांच्या ट्रॅक्टर वरील आशिष देवराव बोढे वय 26हा ट्रॅक्टर काढण्यासाठी गेला असता ट्रॅक्टर ची ट्रॉली तुटल्याने ट्रॅक्टर वरील नियंत्रण सुटल्याने ट्रॅक्टर उलटले व त्या खाली युवक गंभीर रित्या जखमी झाला त्यास त्वरीत उपचारार्थ रूग्णालयात दाखल करण्यात आला मात्र रात्री 11वाजता त्याचा मृत्यू झाला. सादर ट्रॅक्टर हे टेमुर्डा येथील विक्की साळवे याच्या मालकीचे आहेत, पुढील तपास पोलीस स्टेशन वरोरा चे अधिकारी करीत आहे.