वरोरा पोलीसांनी दोन मंदीर चोरीतील दोन आरोपींना केले अटक

वरोरा पोलीसांनी दोन मंदीर चोरीतील दोन आरोपींना केले अटक

वरोरा 

 पोलीस स्टेशन वरोरा हद्दीतील श्री सद्‌गुरू जगन्नाथ बाबा देवस्थान पाझुर्णी येथे दि.०८/०५/२०२५ रोजी चे मध्यरात्री दरम्यान दानपेटीतील रकमेची चोरी झाली होती त्यावरून पो.स्टे. वरोरा येथे अप क्र.३०६/२०२५ कलम ३३१ (४), ३०५ (अ) भा. न्या. संहीता २०२३ अन्वये गुन्हा दाखल करण्यात आला होता. तसेच दिनांक १५/०५/२०२५ रोजी चे मध्यरात्री दरम्याण माँ. भवानी माँ. गंगाई माता मंदीर पांडूर्णी येथे दानपेटीतील रकमेची चोरी झाली होती त्यावरून पो.स्टे. वरोरा येथे अप क. ३२०/२०२५ कलम ३३१ (४), ३०५ (अ) भा. न्या. संहीता २०२३ अन्वये गुन्हा दाखल करण्यात आला होता.

वरील प्रमाणे अज्ञात आरोपीविरुद्ध वरील कलमान्वये पोलीस स्टेशन वरोरा येथे गून्हे दाखल करण्यात आले होते. सदर गुन्हे दाखल होताच वरोरा पोलीसांनी तपासाचे चक्र फिरवून गोपनिय माहीती काढून आरोपी नामे १) प्रिनल सुरेश वरभे वय २५ वर्ष धंदा मजुरी २) सुरज गजानन देवतळे वय २६ वर्ष धंदा मजुरी दोन्ही राहणार माढेळी ता. वरोरा जि. चंद्रपूर यांना दिनांक १६/०५/२०२५ रोजी ताब्यात घेवून वरील गुन्ह्यात संबंधाने चौकशी केली असता, वरील दोन्ही आरोपींनी दोन्ही मंदीरात चोरी केल्याचे निष्पन्न झाल्याने सदर आरोपींना वरील गुन्हयात अटक करण्यात आलेली आहे.

सदरची कारवाई मा.श्री पोलीस अधिक्षक सा. चंद्रपूर, मा. अप्पर पोलीस अधिक्षक मॅडम चंद्रपूर, मा. नयोमी साटम मॅडम सहायक पोलीस अधिक्षक तथा पोलीस उपविभागीय अधिकारी, वरोरा तसेच पोलीस ठाणे वरोराचे ठाणेदार अजिंक्य तांबडे सा. यांचे मार्गदर्शनामध्ये, सपोनि. शरद भस्मे, पो. अं. संदीप मुळे, पो.अं. विशाल राजुरकर, पो. अं. मनोज ठाकरे, यांनी केली.