वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला.लोकमान्य शाळेजवळून हिरो स्प्लेंडर लंपासअज्ञात चोराविरुद्ध गुन्हा दाखल; पोलिसांकडून तपास सुरू.

Posted by on
वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला. लोकमान्य शाळेजवळून हिरो स्प्लेंडर लंपास अज्ञात चोराविरुद्ध गुन्हा दाखल; पोलिसांकडून तपास सुरू वरोरा : शहरात दुचाकी चोरीच्या घटना वाढत असून आणखी एका मोटारसायकल चोरीची नोंद वरोरा पोलीस ठाण्यात झाली आहे. या प्रकरणी साहील वासुदेव ढवस (रा. मुक्ता, ता. मारेगाव, जि. यवतमाळ) यांनी दिलेल्या तक्रारीवरून अज्ञात चोरट्याविरुद्ध गुन्हा दाखल करण्यात आला आहे. तक्रारीनुसार, फिर्यादीने त्यांची काळ्या रंगाची हिरो स्प्लेंडर (क्र. MH-29 BM-7107) ही मोटारसायकल 11 जुलैच्या रात्री लोकमान्य शाळेजवळील मित्राच्या रूमसमोर उभी केली होती. 12 जुलै रोजी सकाळी सुमारे 8 वाजता गाडीच्या ठिकाणी गेल्यानंतर ती चोरीला गेल्याचे निदर्शनास आले. परिसरात शोध घेऊनही मोटारसायकल मिळून न आल्याने पोलिसांत तक्रार देण्यात आली. चोरीस गेलेल्या दुचाकीची अंदाजे किंमत 20 हजार रुपये असल्याचे फिर्यादीने नमूद केले आहे. या प्रकरणी वरोरा पोलीस ठाण्यात भारतीय न्याय संहिता (BNS), 2023 च्या कलम 303(2) अंतर्गत अज्ञात आरोपीविरुद्ध गुन्हा दाखल करण्यात आला असून पुढील...
0

*निवृत्तीवेतनधारकांच्या शंका व समस्यांचे निराकरण**Ø कोषागार कार्यालयात निवृत्तीवेतन धारकांचा मेळावा*

Posted by on
*निवृत्तीवेतनधारकांच्या शंका व समस्यांचे निराकरण*

*Ø कोषागार कार्यालयात निवृत्तीवेतन धारकांचा मेळावा*

चंद्रपूर, दि. 09: निवृत्तीवेतनाबाबत निवृत्ती वेतनधारकांच्या शंका, समस्या व सूचना जाणून त्यांचे निराकरण करण्यासाठी नागपूर महालेखाकार कार्यालयाच्या निर्देशानुसार चंद्रपूर जिल्हा कोषागार कार्यालयात निवृत्तीवेतन धारकांच्या मेळाव्याचे आयोजन करण्यात आले होते.

यावेळी नागपूर महालेखाकार कार्यालयाचे वरिष्ठ लेखाधिकारी राजेश सांगोडे, सहायक लेखाधिकारी चंद्रप्रकाश, जिल्हा कोषागार अधिकारी सुहास पवार, अपर कोषागार अधिकारी (निवृत्तीवेतन शाखा) राजश्री सेलूकर, संजय पडिशालवार, संतोष फुलझेले, वरिष्ठ लेखापाल बालबिहारी प्रजापती, जिल्हा पेन्शनर्स असोशिएशनचे अध्यक्ष रमेश कासुलकर तसेच निवृत्तीवेतनधारकांची उपस्थिती होती.

वरिष्ठ लेखाधिकारी राजेश सांगोडे यांनी निवृत्तीवेतन प्रकरणासंदर्भात येणाऱ्या अडी-अडचणीबाबत आहरण व संवितरण अधिकारी यांना मार्गदर्शन केले. सहायक लेखाधिकारी श्री. चंद्रप्रकाश यांनी ई-निवृत्तीवेतन प्रदान आदेशासंबधी निवृत्तीवेतन धारकांना विस्तृत मार्गदर्शन केले. सदर मेळाव्यामध्ये उपस्थित सर्व निवृत्तीवेतन धारकांच्या शंका व समस्यांचे निराकरण करण्यात आले.

प्रास्ताविकेत अपर कोषागार अधिकारी (निवृत्तीवेतन शाखा) राजश्री सेलूकर यांनी शासनाने सुरु केलेल्या नवीन इलेक्ट्रॉनिक पेंशन पेमेंट आदेशाबाबत उपस्थितांना माहिती दिली. कार्यक्रमाचे संचालन रश्मी कहुरके तर आभार तानाजी पवार यांनी मानले.

०००००००

Comments

Post a Comment