कोल वेतन वाढीसाठी कामगारांचे चार तास आंदोलन**जिल्हा अधीकारी कार्यालयात बैठक घेण्याचे आश्वासनानंतर आंदोलन मागे*

*कोल वेतन वाढीसाठी कामगारांचे चार तास आंदोलन*

*जिल्हा अधीकारी कार्यालयात बैठक घेण्याचे आश्वासनानंतर आंदोलन मागे*

अतुल कोल्हे भद्रावती -

              कर्नाटक ऐम्टा कामगारांचे गेल्या चार वर्षापासून केपीसीएल खाणीचे व्यवस्थापन व त्याची सहयोगी बरांज कोल माईन्स हे शोषण करत असून वेतन वाढीच्या निवड भूल-थापा देत आहे. मात्र अजूनही कोल वेतनात एकही रुपयाची वाढ केली नाही त्यामुळे इतर मागण्या घेऊन कामगारांनी आज दिनांक ३ ऑक्टोंबर ला केपीसीएल कोळसा खाणीचे उत्पादन बंद करून तब्बल चार तास खान बंद करून आंदोलन केले. कंपनी व पोलीस प्रशासन यांनी मध्यस्थी करून दि ८ ऑक्टोबरला जिल्हाधीकारी कार्यालयात तोडगा काढू या आश्वासना नंतर आंदोलन मागे घेतले.

कर्नाटक एम्टा खान कामगारांना वेज बोर्ड लावण्यात यावा कामगारांना  सेफ्टी शूज, रेष शेल्टर , सेफ्टी गॉगल , पिण्यासाठी शुद्ध पाणी , मुलांसाठी स्कूल बस , २४ तास कामगारांसाठी उपचार केंद्र, वार्षिक बोनस , घर किराया या इतर मागण्यासाठी गेल्या चार वर्षापासून कामगार लढा देत आहे या मागण्यासाठी चार वर्षात केपीसीएल कंपनी सोबत चाळीस बैठका झाल्या मात्र त्या विफल ठरल्या या करता आज दि ३ ऑक्टोबरला केपीसीएल खुल्या कोळसा खाणीत खान बंद आंदोलन पुकारले . आंदोलनाच्या चार तासा नंतर कंपणीचे अधीकारी यांनी पत्र देउन या मागण्या संदर्भात दि ८ ऑक्टेबरला जिल्हाधीकारी कार्यालयात बैठक घेण्यात येणार असल्याचे आश्वासन दिले मात्र या बैठकीत तोडगा निघाला नाही तर ९ ऑक्टोबर पासुन पून्हा आंदोलन करण्यात येणार असल्याचा ईशारा कामगारानी दिला. या आंदोलनात अरविंद देवगड , विनोद आगलावे, प्रदीप मानकर, सुभाष गेडाम, महेश पेटकर, पांडुरंग सातपुते अशोक ठेंगणे, शंकर बालपने , महेश तुंबडे, रवींद्र निखाड , विलास ताजने सह असंख्य कामगार उपस्थित होते.