वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला.लोकमान्य शाळेजवळून हिरो स्प्लेंडर लंपासअज्ञात चोराविरुद्ध गुन्हा दाखल; पोलिसांकडून तपास सुरू.

Posted by on
वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला. लोकमान्य शाळेजवळून हिरो स्प्लेंडर लंपास अज्ञात चोराविरुद्ध गुन्हा दाखल; पोलिसांकडून तपास सुरू वरोरा : शहरात दुचाकी चोरीच्या घटना वाढत असून आणखी एका मोटारसायकल चोरीची नोंद वरोरा पोलीस ठाण्यात झाली आहे. या प्रकरणी साहील वासुदेव ढवस (रा. मुक्ता, ता. मारेगाव, जि. यवतमाळ) यांनी दिलेल्या तक्रारीवरून अज्ञात चोरट्याविरुद्ध गुन्हा दाखल करण्यात आला आहे. तक्रारीनुसार, फिर्यादीने त्यांची काळ्या रंगाची हिरो स्प्लेंडर (क्र. MH-29 BM-7107) ही मोटारसायकल 11 जुलैच्या रात्री लोकमान्य शाळेजवळील मित्राच्या रूमसमोर उभी केली होती. 12 जुलै रोजी सकाळी सुमारे 8 वाजता गाडीच्या ठिकाणी गेल्यानंतर ती चोरीला गेल्याचे निदर्शनास आले. परिसरात शोध घेऊनही मोटारसायकल मिळून न आल्याने पोलिसांत तक्रार देण्यात आली. चोरीस गेलेल्या दुचाकीची अंदाजे किंमत 20 हजार रुपये असल्याचे फिर्यादीने नमूद केले आहे. या प्रकरणी वरोरा पोलीस ठाण्यात भारतीय न्याय संहिता (BNS), 2023 च्या कलम 303(2) अंतर्गत अज्ञात आरोपीविरुद्ध गुन्हा दाखल करण्यात आला असून पुढील...
0

विविध क्षेत्रात अतिउत्कृष्ट कार्य करणाऱ्या माजी सैनिक / पत्नी / पाल्यांकडून**विशेष गौरव पुरस्कारसाठी अर्ज आमंत्रित*

Posted by on
*विविध क्षेत्रात अतिउत्कृष्ट कार्य करणाऱ्या माजी सैनिक / पत्नी / पाल्यांकडून*
*विशेष गौरव पुरस्कारसाठी अर्ज आमंत्रित*

अकूंश अवथे चंद्रपूर 

चंद्रपूर, दि. 21 : विविध क्षेत्रात अतिउत्कृष्ट कार्य करणाऱ्या माजी सैनिक / पत्नी / पाल्य यांना एकरकमी 10 हजार व 25 हजार रुपये विशेष गौरव पुरस्कार देण्यात येणार आहे. या पुरस्कार निवडीसाठी संबंधितांनी आपले प्रकरण जिल्हा सैनिक कल्याण कार्यालय, चंद्रपूर येथे 15 सप्टेंबर 2024 पर्यंत सादर करावे, असे सैनिक कल्याण कार्यालयाने कळविले आहे.
इयत्ता 10 वी व 12 वी च्या परिक्षेमध्ये 90 टक्क्यांपेक्षा जास्त गुण मिळवून उत्तीर्ण होणाऱ्या पहिल्या पाच माजी सैनिक/ विधवा यांच्या पाल्यांना एकरकमी 10 हजार रुपये विशेष गौरव पुरस्कार प्रदान करण्यात येईल. 
*पुरस्काराकरीता पात्रता* : केन्द्रीय शिक्षण बोर्ड, नवी दिल्ली येथून उत्तीर्ण झालेल्या विद्यार्थ्याच्या ग्रेड शीट निष्पादन प्रमाणपत्रामध्ये प्राप्त गुण व टक्केवारी दर्शविण्यात येत नाही. तरी सदर प्रकरणासोबत संबंधित विद्यालयाचे गुणपत्रक टक्केवारीसह जोडण्यात यावे. पदवी किंवा पदव्युत्तर परिक्षेत विद्यापीठात सर्वप्रथम क्रमांकाने उत्तीर्ण झालेल्या माजी सैनिक / पत्नी / पाल्य यांना एकरकमी 10 हजाररुपये विशेष गौरव पुरस्कार देण्यात येईल. IIT, IIM, AIIMS अशा नामवंत व ख्यातीप्राप्त संस्थामध्ये प्रवेश मिळालेल्या माजी सैनिक / विधवा यांच्या पाल्यांना 25 हजार रुपये विशेष गौरव पुरस्कार देण्यात येईल.

तसेच राष्ट्रीय/आंतरराष्ट्रीय पातळीवर खेळातील पुरस्कार प्राप्त खेळाडू, साहित्य, संगीत, गायन, वादन, नृत्य इत्यादी क्षेत्रातील पुरस्कार विजेते, यशस्वी उद्योजकांचा पुरस्कार मिळविणारे, संगणक क्षेत्रात अतिउत्कृष्ट कामगिरी करणारे, पुर/जळीत/दरोडा/अपघात अगर इतर नैसर्गिक आपत्तीमध्ये बहुमुल्य कामगिरी करणारे, तसेच देश/राज्याची प्रतिष्ठा वाढवतील अशा स्वरुपाचे लक्षणीय काम करणारे माजी सैनिक/पत्नी/पाल्य इ. यांना अशा कार्याबद्दल त्यांचा सन्मानार्थ राष्ट्रीय स्तरासाठी 10 हजार रुपये व आंतरराष्ट्रीय स्तरासाठी 25 हजार रुपयांचा पुरस्कार, जिल्हा सैनिक कल्याण विभाग, पुणे यांच्यामार्फत प्रदान करण्यात येणार आहे.
 तरी चंद्रपूर जिल्ह्यातील सर्व संबंधित माजी सैनिक/ पत्नी / पाल्यांनी विशेष गौरव पुरस्कार निवडीसाठी आपले प्रकरण जिल्हा सैनिक कल्याण कार्यालय, चंद्रपूर येथे 15सप्टेंबर 2024 पर्यंत सादर करावे. त्यानंतर प्राप्त अर्जाचा विचार केला जाणार नाही, याची सर्व संबंधित माजी सैनिक / विधवांनी नोंद घ्यावी, असे आवहन जिल्हा सैनिक कल्याण अधिकारी, चंद्रपूर यांनी केले आहे.

Comments

Post a Comment