वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला.लोकमान्य शाळेजवळून हिरो स्प्लेंडर लंपासअज्ञात चोराविरुद्ध गुन्हा दाखल; पोलिसांकडून तपास सुरू.

Posted by on
वरोऱ्यात दुचाकी चोरांचा धुमाकूळ; हिरो स्प्लेंडरवर चोरट्यांचा डल्ला. लोकमान्य शाळेजवळून हिरो स्प्लेंडर लंपास अज्ञात चोराविरुद्ध गुन्हा दाखल; पोलिसांकडून तपास सुरू वरोरा : शहरात दुचाकी चोरीच्या घटना वाढत असून आणखी एका मोटारसायकल चोरीची नोंद वरोरा पोलीस ठाण्यात झाली आहे. या प्रकरणी साहील वासुदेव ढवस (रा. मुक्ता, ता. मारेगाव, जि. यवतमाळ) यांनी दिलेल्या तक्रारीवरून अज्ञात चोरट्याविरुद्ध गुन्हा दाखल करण्यात आला आहे. तक्रारीनुसार, फिर्यादीने त्यांची काळ्या रंगाची हिरो स्प्लेंडर (क्र. MH-29 BM-7107) ही मोटारसायकल 11 जुलैच्या रात्री लोकमान्य शाळेजवळील मित्राच्या रूमसमोर उभी केली होती. 12 जुलै रोजी सकाळी सुमारे 8 वाजता गाडीच्या ठिकाणी गेल्यानंतर ती चोरीला गेल्याचे निदर्शनास आले. परिसरात शोध घेऊनही मोटारसायकल मिळून न आल्याने पोलिसांत तक्रार देण्यात आली. चोरीस गेलेल्या दुचाकीची अंदाजे किंमत 20 हजार रुपये असल्याचे फिर्यादीने नमूद केले आहे. या प्रकरणी वरोरा पोलीस ठाण्यात भारतीय न्याय संहिता (BNS), 2023 च्या कलम 303(2) अंतर्गत अज्ञात आरोपीविरुद्ध गुन्हा दाखल करण्यात आला असून पुढील...
0

वरोरा येथे आदिवासी समाजाचा जनआक्रोश मोर्चा

Posted by on
वरोरा येथे आदिवासी समाजाचा जनआक्रोश मोर्चा 

वरोरा
चेतन लूतडे

मणिपूर येथे आदिवासी समाजाच्या महिलांवर झालेल्या अत्याचारांच्या विरोधात वरोरा येथील आंबेडकर चौकातून तहसील कार्यालयापर्यत जन आक्रोश मोर्चा काढण्यात आला.

रमेश मेश्राम यांच्या नेतृत्वात मोर्चा काढण्यात आला. यावेळी गजानन मेश्राम यांच्या सोबत शेकडो आदिवासी बांधव उपस्थित होते. मणिपूर मध्ये झालेल्या घटनेनंतर भारतातील अनेक राज्यांमध्ये आदिवासी बांधव जन आक्रोश मोर्चा करीत असून मणिपूर सरकार व केंद्र सरकारचा निषेध नोंदवत आहे. वरोरा येथील आदिवासी समाजाने या घटनेविषयी राष्ट्रपतीला निवेदन सादर केले असून या घटनेमध्ये दोषी असणाऱ्या आरोपींना फाशीच्या शिक्षेची मागणी केली आहे.
यावेळी तहसील कार्यालयात शेकडो आदिवासी बांधवांनी उपविभागीय कार्यालयात आपले निवेदन सादर केले. व केंद्र सरकारचा निषेध नोंदवला. यावेळी मोठ्या प्रमाणात आदिवासी बांधवांनी केंद्र सरकार व पंतप्रधान नरेंद्र मोदी यांच्या विरोधात घोषणाबाजी केली.
मणिपूर मधील कांगपोकपी जिल्ह्यात चार मे रोजी दोन महिलांना विवस्त्र करून त्यांची दिंड काढण्याचा अमानुष प्रकार घडला होता. या प्रकरणात सहभागी असलेल्या 14 आरोपींची पोलिसांनी ओळख पाठवली आहे. या प्रकरणात सहा आरोपींची तुरुंगात रवांगी सुद्धा करण्यात आली आहे. याच प्रकरणातला व्हिडिओ सोशल मीडियावर व्हायरल झाला होता. एक महिला भारतीय लष्करातील माजी जवानाची पत्नी आहे. यासंदर्भात 21 जून रोजी सैकुल पोलीस ठाण्यात तक्रार दाखल करण्यात आली होती.


जाहिरात

Comments

Post a Comment