वरोरातील टाइल्स दुकानातून रातोरात ३ लाखांची धडाकेबाज चोरी, शटर वाकवून आत शिरलेल्या चोरट्यांचा CCTV मध्ये कैद; पोलिसांनी गुन्हा दाखल केला.

वरोरातील टाइल्स दुकानातून रातोरात ३ लाखांची धडाकेबाज चोरी

शटर वाकवून आत शिरलेल्या चोरट्यांचा CCTV मध्ये कैद; पोलिसांनी गुन्हा दाखल केला.

वरोरा, दि. 23 (प्रतिनिधी) 

नागपूर-चंद्रपूर महामार्गावरील बोर्डा परिसरातील  गोविंद मॉलजवळील ‘पटेल टाइल्स अँड ग्रेनाईट’ या दुकानात मंगळवारी पहाटे दोन अज्ञात चोरट्यांनी शटर वाकवून आत प्रवेश केला आणि काउंटरवरील ड्रॉवरमधील अंदाजे तीन लाख रुपयांची रोख रक्कम लंपास केल्याची धक्कादायक घटना उघडकीस आली आहे.

मिळालेल्या माहितीनुसार, दुकानदार भाविंन रमेश पटेल (वय ३७) यांनी शनिवारी (दि. १८) रात्री ८.३० वाजता दिवसभराची वसुली ड्रॉवरमध्ये ठेवून दुकानाला कुलूप लावले होते. मात्र, रविवारी (दि. १९) सकाळी ६ वाजता दुकानाकडे पाहिले असता शटर वाकवलेले आढळून आले. सदर दुकानात CCTV कॅमेरे बसविले असल्याने तपासणी केली असता, पहाटे २.१० वाजताच्या सुमारास दोन अज्ञात इसम (वय अंदाजे ३० ते ४० वर्षे) शटर वाकवून दुकानात घुसताना दिसून आले.

दुकानदार भाविन पटेल यांनी सांगितले की, "मी सकाळी जिमला जात असताना दुकानाकडे नजर टाकली तेव्हाच हा प्रकार लक्षात आला. आत जाऊन पाहिले असता संपूर्ण रक्कम गायब होती. लगेच पोलिसांना फोन करून माहिती दिली."

वरोरा पोलीस ठाण्यात या प्रकरणी भारतीय दंड संहितेचे कलम ३०५ अ,  ३३१(४),  ३(५) अन्वये गुन्हा दाखल करण्यात आला आहे. मिळालेल्या माहितीच्या आधारे सांगितले की, "CCTV फुटेजच्या आधारे संशयितांची ओळख पटविण्याचा प्रयत्न सुरू आहे. लवकरच आरोपींना अटक केली जाईल." पोलिसांनी दुकानदारासह परिसरातील इतर CCTV फुटेजही ताब्यात घेतले आहेत. घटनास्थळाचा पंचनामा करून पोलीस तपास पथकाने स्थानिक गुन्हेगारी रेकॉर्ड तपासण्यास सुरुवात केली आहे.

या घटनेने बोर्डा परिसरातील व्यापाऱ्यांमध्ये एकच खळबळ उडाली असून, रात्रीच्या वेळी सुरक्षेविषयी प्रश्न उपस्थित होत आहेत. पोलिसांनी परिसरातील गस्त वाढविण्याचे आदेश दिले आहेत.

---****---