*सीईटीमध्ये राज्यात प्रथम आलेल्या मोहक चवलेचा श्री रंगनाथ स्वामी सहकारी पतसंस्थेकडून सत्कार.*श्री रंगनाथ स्वामी सहकारी पतसंस्थेचे संचालक श्री परीक्षित एकरे यांच्या हस्ते सत्कार.

*सीईटीमध्ये राज्यात प्रथम आलेल्या मोहक चवलेचा श्री रंगनाथ स्वामी सहकारी पतसंस्थेकडून सत्कार.

*श्री रंगनाथ स्वामी सहकारी पतसंस्थेचे संचालक श्री परीक्षित एकरे यांच्या हस्ते सत्कार.

वरोरा : महाराष्ट्र सीईटी परीक्षेत संपूर्ण राज्यातून प्रथम क्रमांक मिळवून वरोरा शहराचे नाव राज्यभर उज्ज्वल करणाऱ्या चिरंजीव मोहक संदीप चवले यांचा श्री रंगनाथ स्वामी सहकारी पतसंस्थेच्या वतीने त्यांच्या निवासस्थानी जाऊन विशेष सत्कार करण्यात आला. यावेळी त्यांच्या भावी शैक्षणिक वाटचालीसाठी शुभेच्छा देण्यात आल्या.

मोहक चवले यांनी महाराष्ट्र सीईटी परीक्षेत राज्यात अव्वल स्थान पटकावून वरोरा शहराच्या शिरपेचात मानाचा तुरा रोवला आहे. त्यांच्या या अभूतपूर्व यशामुळे संपूर्ण शहराचा गौरव वाढला असून विद्यार्थ्यांसाठी प्रेरणादायी आदर्श निर्माण झाला आहे.

सत्कार कार्यक्रमात श्री रंगनाथ स्वामी सहकारी पतसंस्थेचे संचालक श्री परीक्षित एकरे, शाखा व्यवस्थापक श्री विलास बोबडे, श्री मिलिंद गोंडे, श्री बेलेकर, श्री विकास पारखी, श्री हरिदास एकरे, श्री ठेंगणे तसेच संस्थेचे कर्मचारी उपस्थित होते.

यावेळी मोहक यांचे वडील श्री संदीप चवले, आई तसेच आजी यांचीही प्रमुख उपस्थिती होती. उपस्थितांनी मोहकच्या यशाचे कौतुक करत त्याला पुढील शैक्षणिक आणि व्यावसायिक वाटचालीसाठी शुभेच्छा दिल्या.

मोहक चवले यांच्या या उल्लेखनीय यशामुळे वरोरा शहराचा नावलौकिक राज्यभर उंचावला असून त्यांच्या यशाचा सर्व स्तरातून गौरव केला जात आहे.